Gokul Dudh Sangh : 'गोकुळ' ला उच्च न्यायालयाचा दणका, आजपासून सभासदांना भेटणार : शाैमिका महाडिक (पाहा व्हिडिओ)

- रणजीत माजगावकर

Kolhapur News : गोकुळ दूध संघाच्या (gokul dudh sangh latest marathi news) चाचणी लेखापरीक्षणाला स्थगिती मिळावी यासाठी गाेकुळ दूध संघाने दाखल केलेली याचिका उच्च न्यायालयाने फेटाळल्याची माहिती संचालिका शाैमिका महाडिक (Shoumika Mahadik Addressed Media In Kolhapur) यांनी आज (मंगळवार) काेल्हापूरात माध्यमांशी बाेलताना दिली. दरम्यान गाेकुळच्या सभासदांची जागृती करण्यासाठी आजपासून काेल्हापूर दाैरा करणार असल्याचेही महाडिक यांनी नमूद केले (Maharashtra News)

सत्तांतर झाल्यानंतर गाेकुळ मध्ये अनेक गैरव्यवहार झाल्याचा आरोप शाैमिका महाडिक यांनी केला. त्या म्हणाल्या गोकुळचे लेखापरीक्षण करावं अशी राज्य शासनाकडे मागणी केली होती. पाच महिने लेखापरीक्षण सुरू झालं. दरम्यान या लेखापरीक्षणा विरोधात गोकुळ हायकोर्टात गेलं. लेखापरीक्षण थांबवावं अशी मागणी गोकुळची होती.

लेखापरीक्षण रद्द झालं तर पुढे होणारी कारवाई टाळता येईल अशी गोकुळची नीती होती असेही महाडिक यांनी नमूद केले. त्या म्हणाल्या गोकुळच्या कारभारात गैरकृती आढळल्या, दोष दुरुस्ती ऑडिटमध्ये सुद्धा आहेत. समाधानकारक माहिती न मिळाल्यामुळे आम्ही कोर्टात गेलो. प्रत्यक्षात वेगळी कृती आणि कागदावर वेगळी मांडणी दिसून आली. त्यामुळे लेखापरीक्षण सुरू झाले.

लेखापरीक्षणाबाबत 7 दिवसांची गोकुळात नोटीस देण्यात आली होती. प्रत्येक गोष्टींची पूर्तता करण्यासाठी गोकुळला पुरेसा वेळ दिला मात्र गोकुळने प्रतिसाद दिला नाही. लेखा परीक्षण विरोधात गोकुळ कोर्टात गेलं. न्यायालयाने गोकुळची याचिका फेटाळलेली आहे असे महाडिक यांनी नमूद केले.

आजपासून काेल्हापूर दाैरा : शाैमिका महाडिक

शाैमिका महाडिक म्हणाल्या गोकुळ दूध संघाची सभा येत्या 15 सप्टेंबरला आहे. या सभेत गोकुळ मध्ये सुरु असलेल्या गैरकारभाराविषयी जाब आम्ही विचारणार आहाेत. याबराेबरच घटलेले दूध संकलन, कर्मचाऱ्यांना होणारी मारहाण यासह विविध प्रश्नांचा त्यात समावेश असेल असेही महाडिक यांनी नमूद केले. त्यापूर्वी सभासदांमध्ये जागृती करण्यासाठी आजपासून कोल्हापूर जिल्हा दौरा करणार असल्याचे त्यांनी स्पष्ट केले.

Edited By : Siddharth Latkar