Ajit Pawar Plane Crash: अजितदादांच्या घातपातात तटकरेंचा हात? महायुतीतील नेत्यांचाच खळबळजनक दावा

अजितदादांच्या अपघाती मृत्यूला आता 10 महिने उलटले पण याच दुर्देवी घटनेवरुन सुरु झालेलं राजकारण काही केल्या थांबत नाही. अजित दादांच्या अपघाताच्या तपासावर पवार कुटुंबियांनी देखिल आक्षेप घेतला होता मात्र आता अजित पवारांच्या मृत्यू मागे राष्ट्रवादीचेच प्रदेशाध्यक्ष सुनिल तटकरे आहेत असा आरोप दुसरा तिसरं कोणी नाही तर महायुतीतील मित्रपक्षाचे जेष्ठ नेते रामदास कदमांनी करुन खळबळ उडवून दिलीय त्यांनी नेमंक काय म्हटलंय. पाहा.

रामदास कदमांनी फक्त आरोपच केले नाहीत तर सुनिल तटकरेंची चौकशी करा अशीही मागणी केलीये. आता तटकरेंनीच दादांचा घातपात केला का असा प्रश्न उपस्थित झालेला असतांना शिंदेंसेनेच्या आणखीन एका आमदारांने दादांच्या मृत्यूनंतर तटकरेंनी उपमुख्यमंत्रीपदासाठी फिल्डींग लावल्याचा आरोप करत त्यांना घेरलं होतं.

तटकरे-थोरवे-कदम हे कोकणातील सेना राष्ट्रवादीचे नेते. त्यामुळे हे नेते जिल्ह्यातील राजकीय वर्चस्वासाठी एकमेंकावर आरोप करत असतील तर त्यात वावगं वाटण्यसारखं काहीही नाही. पण आपण नेमके काय आरोप करतो आहोत त्याचं भान राखणही तितकंच गरजेचं. कारण अजित पवार हे काही कोण्या एका जिल्ह्याचे नेते नव्हते तर ते राज्याचे उपमुख्यमंत्री होते.

त्यामुळे त्यांच्या अपघाती मृत्यूचं राजकारणं करणं सुसंस्कृत महाराष्ट्राला नक्कीच शोभणारं नाही. तर काँग्रेसच्या विजय वडेट्टीवारांनी कदमांनी केलेल्या या आरोपांवरुन त्यांना पोलिसात जाऊन तक्रार करण्याचं आवाहन केलंय. महायुतीत रामदास कदमांनी केलेल्या आरोपांनी नक्कीच ठिणगी पेटलीये. यावर आता एकनाथ शिंदे आणि सुनेत्रा पवार काय भूमिका घेतात हे पाहणं महत्वाचे आहे.