विधानसभा निवडणुकीची आचारसंहिता पुढील महिन्यात लागण्याची शक्यताय..मात्र त्यापूर्वीच अजित पवारांच्या राष्ट्रवादीचं टेंशन वाढलंय. कारण अजित पवारांच्या राष्ट्रवादीच्या घड्याळ चिन्हाविरोधात पवारांच्या राष्ट्रवादीनं सुप्रीम कोर्टात धाव घेतलीय़. निवडणूक आयोगाच्या निर्णयाविरोधात केलेल्या याचिकेचा जोपर्यंत निकाल लागत नाहीत तोपर्यंत अजित पवारांच्या राष्ट्रवादीला घड्याळ चिन्ह वापरू देऊ नका अशी मागणी या याचिकेत करण्यात आलीय. नेमकं या याचिकेत काय मागणी केलीय हे जाणून घेऊ...
शरद पवारांच्या पक्षाकडून शुक्रवारी सुप्रीम कोर्टात मागणी केली की, अजित पवारांच्या राष्ट्रवादीला नवं चिन्ह द्या. निकाल लागत नाही तोपर्यंत घड्याळ चिन्ह वापरण्यास बंदी घाला. अजित पवारांना नव्या चिन्हाची मागणी करण्यास सांगावं. या प्रकरणावर 25 सप्टेंबरला सुनावणीची शक्यता आहे.
दरम्यान, लोकसभा निवडणुकीत पश्चिम महाराष्ट्रात शरद पवार गटाला अपक्षांचा मोठा फटका बसला होता. शरद पवार गटाला निवडणुकीत तुतारी हे चिन्हं मिळालं. तर काही अपक्षांना तुतारी सदृश्य ट्रंपेट हे चिन्ह मिळालं होतं.
या चिन्हामुळे मतदार संभ्रमीत झाला आणि शरद पवारांची मतं अपक्षांना मिळाली होती. विधानसभेत हा घोळ टाळण्यासाठी आणि अजित पवारांच्या अडचणी वाढवण्यासाठी शरद पवारांकडून हा नवा डाव टाकण्यात आलायं.
यापूर्वी सुप्रीम कोर्टानं ही याचिका दाखल करून घेण्यास नकार दिला होता. मात्र यावेळी ही याचिका दाखल करून घेतल्यामुळे अजित पवारांच्या राष्ट्रवादीची धाकधूक वाढलीय. त्यामुळे घड्याळाची टिक टिक विधानसभेत सुरू राहणार की नाही हे पाहण्यासाठी सा-या राज्याचं लक्ष सुप्रीम कोर्टाच्या निर्णयाकडे लागलंय.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.