Ajit Pawar: लोकसभेचा पराभव जिव्हारी? अजित पवार बारामती सोडणार?

भरत मोहळकर, साम प्रतिनिधी

बारामतीत एवढी कामं करूनही पराभव झालाय, त्यामुळे बारामतीकरांना मी सोडून दुसरा आमदार मिळाला पाहिजे. तेव्हा माझी आठवण येईल, असं म्हणत अजित पवारांनी बारातीतून न लढण्याचे संकेत दिलेत. याचबाबत पाहुयात साम टीव्हीचा हा स्पेशल रिपोर्ट.

लोकसभेला झालेला सुनेत्रा पवारांचा पराभव अजित पवारांच्या चांगलाच जिव्हारी लागलाय...तब्बल 32 वर्षे बारामती विधानसभेचं नेतृत्व केल्यानंतर अजित पवारांच्या पत्नी सुनेत्रा पवारांचा पराभव झाला. त्यामुळे अजित पवारांनी बारामतीत उद्विग्न होत बारामतीतून न लढण्याचे संकेत दिलेत.

2019 च्या विधानसभा निवडणुकीत अजित पवारांनी विरोधकांचं डिपॉझिट जप्त केलं होतं. मात्र त्याच बारामतीकरांनी लोकसभा निवडणूकीत अजित पवारांच्या पत्नी सुनेत्रा पवारांच्या विरोधात सुप्रिया सुळेंना 48 हजारांचं लीड दिलं. त्यानंतर अजित पवार अस्वस्थ असल्याची चर्चा रंगलीय. त्यातच शरद पवारांनी युगेंद्र पवारांना ताकत देऊ केलीय. तर काही कार्यकर्त्यांकडून जय पवारांच्या नावाचा आग्रह धरला जातोय. असं असलं तरी अजित पवारांनी हक्काचा मतदारसंघ सोडू नये यावर त्यांचे समर्थक ठाम आहेत.

आधी खासदार आणि त्यानंतर सलग 32 वर्षे आमदार असलेल्या अजित पवार सुनेत्रा पवारांच्या पराभवानंतर व्यथित झाले आहेत. त्यातच संपूर्ण पवार कुटुंब विरोधात गेलंय. त्यामुळे अजित पवारांकडून मतदारांना इशारा देण्यात आलाय. मात्र अजित पवार खरंच बारामती सोडणार की अशा प्रकारची वक्तव्य करून त्यांनी मतपेरणी तर सुरू केली नाही ना? अशी चर्चा राजकीय वर्तुलात रंगू लागल्यायेत.