Disha Salian Case: संजय राऊतांचा नितेश राणेंवर हल्लाबोल; पिक्चर अभी बाकी, नितेश राणेंचं प्रत्युत्तर

सुप्रिम मसकर, साम प्रतिनिधी

दिशा सालियन प्रकरणात नवा ट्विस्ट आलाय. ठाकरे सेनेचे नेते आदित्य ठाकरेंना या प्रकरणात क्लीन चिट मिळालीय. दिशा सालियनची हत्या झाल्याचं किंवा तिच्यावर कोणत्याही प्रकारचा लैंगिक अत्याचार झाल्याचं वैद्यकीय आणि वैज्ञानिक पुराव्यांतून सिद्ध झालेलं नाही, अशी माहिती मुंबई पोलिसांनी हायकोर्टात सादर केली. SIT च्या प्रतिज्ञापत्रात नेमकं काय म्हटलयं? पाहूयात.

दिशा सालियन मृत्यू प्रकरण

SITच्या प्रतिज्ञापत्रात काय?

दिशा सालियनच्या मृत्यूमध्ये घातपात नाही

दिशा मृत्यूआधी मद्यधुंद अवस्थेत होती

पोस्टमार्टम रिपोर्टनुसार लैंगिक, शारीरिक अत्याचाराच्या खुणा नाही

सीसीटीव्ही तपासल्यानंतर काहीही तथ्य आढळलं नाही

उपस्थितांचे कॉल रेकॉर्ड तपासले, काहीही संशयास्पद आढळलं नाही

दरम्यान दिशा सालियनचे वकील निलेश ओझा यांनी तपास अधिकाऱ्यांवर कारवाईची मागणी करत त्यांनी चुकीचा रिपोर्ट सादर केल्याचा दावा केलाय. तसचं आदित्य ठाकरेंविरोधात काही महत्त्वाचे पुरावे सादर केल्यास त्यांच्या अडचणी वाढू शकतात, असा इशाराही त्यांनी दिलाय. दरम्यान आदित्य ठाकरेंनी दिशा सालियानच्या वडीलांनी आणि विरोधकांनी केलेले आरोप फेटाळून लावलेत.

दुसरीकडे आदित्य ठाकरेंना क्लिनचिट मिळाल्यानं संजय राऊतांनी नितेश राणेंनी नाक घासून माफी मागावी अशी मागणी केलीय. तर नितेश राणेंनी पिक्चर अभी बाकी है..अशी सूचक प्रतिक्रीया दिलीये.

आता 16 जुलैच्या सुनावणीत नेमकं काय होतं? याकडे सर्वाचं लक्ष लागलयं. तसचं आदित्य ठाकरेंना तात्पुरता दिलासा मिळाला असला तरी दिशा सालियन प्रकरणात आणखी कोणती माहिती समोर येणार, हे पाहणं महत्त्वाचं ठरणार आहे..