Accident News : कोकणात भीषण अपघात, दशावतार नाट्य मंडळाची गाडी काँक्रीट मिक्सरला धडकली अन्...

माजगाव येथून धक्कादायक बातमी समोर आली आहे. माजगाव (Mazgaon ) येथे भीषण अपघात (Accident News ) झाला आहे. कुडाळ (kudal ) येथील सिंधू कला दशावतार नाट्य ( Dashavatar Drama) मंडळाचा टाटा मॅजिक गाडीचा माजगाव येथे भीषण अपघात झाला. रस्त्याच्याकडेला उभ्या असलेल्या दुचाकीला वाचवण्याच्या प्रयत्नात गाडी समोरून येणाऱ्या काँक्रीट मिक्सरला धडकून पलटी झाली.

माजगाव येथील अपघातात चालक शशिकांत राऊळ आणि संतोष केसरकर हे गंभीर जखमी झाले आहेत. शशिकांत राऊळ ४५ वर्षांचे तर संतोष केसरकर हे ३५ वर्षांचे आहेत. गाडीतील कलाकारही जखमी झाले. गाडीतील कलाकार ओंकार धुरी नेरूर येथे राहणारा, नाणोस येथे राहणारे प्रणित तळकर, मळगाव येथे राहणारे ओम सावंत, वेत्ये येथे राहणारे साई तांबे , ४४ वर्षांचे सुदेश तांबे, कुडाळ येथील गौरव टेंबूलकर जखमी झाले.

मिळालेल्या माहितीनुसार, गिरगाव येथील हे दशावतार मंडळ टाटा मॅजिकने नाटकासाठी जात होते. माजगाव परिसरात भाईसाहेब सावंत समाधी स्थळाजवळ रस्त्याकडेला उभी असलेली दुचाकी चुकवण्यासाठी चालकाने अचानक वळण घेतले. त्याच वेळी समोरून येणाऱ्या काँक्रीट मिक्सरशी जोरदार धडक झाली आणि गाडी पलटी झाली. अपघातानंतर तेथील स्थानिक नागरिक मदतीसाठी धावले. जखमींना बाहेर काढून रुग्णालयात दाखल केले.सुदैवाने या अपघातात कोणतीही जीवितहानी झाली नाही.