Shaktipeeth Expressway New Route: शक्तीपीठ महामार्गाचा नवीन आराखडा; ९ गावांचा समावेश; कसा असणार मार्ग?

राज्य सरकारचा महत्त्वाचा प्रकल्प असणाऱ्या शक्तीपीठ महामार्गाच्या मार्गात बदल करण्यात आला आहे.शक्तीपीठ महामार्गाची चर्चा गेल्या अनेक वर्षांपासून होत आहे. आता या महामार्गाच्या आराखड्यात बदल करण्यात आले आहेत. यामुळे मार्ग ज्या गावातून जाणार होता त्यात बदल झाले आहेत. आता या नवीन आराखड्यानुसार या मार्गात नऊ गावांचा समावेश करण्यात आला आहे. याआधी हा महामार्ग दहा गावातून जाणार होता.

नवीन सुधारित मार्गाला मंजुरी

शक्तीपीठ महामार्ग आता दोडामार्गे तळकट पंचक्रोशीतून जाणार आहे. यामध्ये अनेक इकोसेन्सिटिव्ह गावांचा समावेश करण्यात आला आहे. राज्य सरकारचा हा खूप महत्त्वाकांक्षी प्रकल्प आहे. या महामार्गाच्या कामात सुमारे एक लाख कोटी खर्च लागेल एवढा मोठा बदल करण्यात आला आहे. यासाठी सरकारने मंजुरी दिली आहे.

शक्तीपीठ महामार्गासाठी शेतकऱ्यांनी जमिनी देण्यास विरोध केला आहे. यानंतर हा मार्ग बदलण्याचा निर्णय घेतला आहे. नव्या आराखड्यात सावंतवाडी आणि दोडामार्ग तालुक्यांना विशेष महत्त्व मिळाले आहे. सावंतवाडी व दोडामार्ग तालुक्यातील काही गावे या महामार्गातून वगळण्यात आली आहे.

१३ जिल्ह्यातून जाणार महामार्ग

नव्या आराखड्यात १३ जिल्ह्यांचा समावेश आहे. १४ तालुक्यातून हा मार्ग जाणार आहे. २१ धार्मिक स्थळांना जोडला जाणार आहे. या महामार्गामुळे नागपूर ते गोवा प्रवास फक्त ८ तासात होणार आहे. १० तासांचा वेळ वाचणार आहे.

या गावांचा समावेश

शक्तीपीठ महामार्गाच्या नवीन आराखड्यानुसार, सावंतवाडीमधील केगद (चौकुळ), डेगवे, बांदा, पडवे माजगाव या गावाचंचा समावेश केला आहे. तर दोडामार्ग तालुक्यातील कुंभवडे, भेकुर्ली, कोलझर, तळकट आणि झोळंबे या गावांचा समावेश आहे. शक्तीपीठ महामार्ग आता वर्धा, यवतमाळ, बीड, लातूर या जिल्ह्यातून जाणार आहे. यामध्ये सातारा जिल्ह्याचा समावेश करण्यात आला आहे. इतर जिल्ह्यांमध्ये बदल करण्यात आला आहे. नांदेड, हिंगोली, परभणी, धाराशिव, सोलापूर, सांगली, कोल्हापूर आणि सिंधुदुर्ग जिल्ह्यांमध्ये बदल केले आहेत.