Maharashtra Live News Update: राज्यात थंडी कायम राहण्याचा अंदाज

- नागपूर  महापालिका निवडणुकीसाठी काँग्रेसची तयारी पूर्ण, १५१ जागांसाठी उमेदवारांची यादी ठरली.

- महाविकास आघाडीतील मित्रपक्षांसोबत जागा वाटपाची अंतिम चर्चा स्थानिक नेत्यांकडे.

- काँग्रेसने १५१ जागांसाठी नावे ठरवली असली, तरी महाआघाडी टिकवण्यावर भर.

- चर्चेनंतर काही जागा मित्रपक्षांना सोडण्याची तयारी.

- शिवसेना (उबाठा) आणि राष्ट्रवादी काँग्रेस (शरद पवार) यांच्याशी शनिवारी निर्णायक बैठक.

- काँग्रेसकडून ‘शक्तीनुसार जागा’ हा फॉर्म्युला निश्चित.

- जागा वाटप करताना मित्रपक्षांची संघटनात्मक ताकद आणि स्थानिक प्रभाव महत्त्वाचा निकष.

- मुंबईत प्रदेश निवड समितीची दोन दिवसांची बैठक, बहुतेक उमेदवारांवर सहमती.

- प्रत्येक प्रभागाचा सविस्तर आढावा घेऊन उमेदवारांची निवड.

- संबंधित विधानसभा क्षेत्रातील काँग्रेस उमेदवारांना विश्वासात घेऊन निर्णय.

* महाविकास आघाडीच्या बळावरच निवडणूक लढवण्याचा काँग्रेसचा प्रयत्न

रस्ता सुरक्षा ही सर्वात मोठी समस्या बनली असून यवतमाळ जिल्ह्यात मागील बारा महिन्यात सर्वाधिक अपघात झाल्याची आकडेवारी समोर आली आहे. राष्ट्रीय महामार्ग तसेच जिल्हा महामार्गावर तब्बल 840 अपघातांमध्ये 392 जणांचा मृत्यू झाला तर 537 जण यामध्ये जखमी झाल्याची नोंद करण्यात आली आहे.

राज्यात थंडी कमी अधिक होत असली तरी गारठा कायम आहे सकाळच्या वेळी थंडीमुळे हुडहुडी अनुवायला मिळत आहे बऱ्याच ठिकाणी पारा सातत्याने 10 अंशाच्या खाली आहे

राज्याच्या किमान तापमानात सर्वात थंडी कायम राहण्याचा अंदाज हवामान विभागाने वर्तवला आहे

पोलीस बंदोबस्तात उमेदवारी अर्ज दाखल करण्याला परवानगी दिलेली आहे

आयुष कुमकर खून प्रकरणात न्यायालयीन कोठडीत असलेल्या आंदेकर टोळीचा मोरक्या बंडू आंदेकर त्याची भावजय लक्ष्मी उदयकांत आंदेकर तसेच सोनाली वनराज आंदेकर यांना आगामी महापालिका निवडणुकीत उमेदवारी अर्ज दाखल करण्यास विशेष न्यायालयाने सशर्त परवानगी दिलीय

उमेदवारी अर्ज दाखल करताना मिरवणूक प्रचार यात्रा भाषण घोषणाबाजी करू नये असे आदेश विशेष न्यायाधीश एस. आर. साळुंखे यांनी दिले आहेत

- *गेल्या तीन दिवसात तब्बल 5 हजार 507 उमेदवारी अर्ज उचलले गेले... मात्र उमेदवारी अर्ज दाखल करण्याच्या चौथ्या दिवशी फक्त चार उमेदवारांनी अर्ज केले दाखल.

- आता उमेदवारी अर्ज दाखल करण्यासाठी तीन दिवस शिल्लक असल्याने अखेरच्या 29 आणि 30 डिसेंबरला मोठ्या प्रमाणात उमेदवारी अर्ज दाखल करण्यासाठी गर्दी होण्याची शक्यता आहे....

- महायुती असो किंवा महा विकास आघाडी यांचे युती आणि आघाडी संदर्भात बैठकांचे दौर सुरू असल्याने आणि पक्षातील इच्छुक असलेल्यांना तिकीट न भेटल्यास त्यांच्याकडून बंडखोरी होण्याची शक्यता नाकारता येत नाही.

- विशेष म्हणजे सर्वच पक्षांनी सावध भूमिका घेतली.. उमेदवारांची यादी जाहीर झाली नाही. त्यामुळे शेवटच्या दोन दिवसात उमेदवारांना चांगलीच पळापळ करावी लागणार आहे.

जालना महानगरपालिका निवडणूकच्या पार्श्वभूमीवर भारतीय जनता पार्टी, शिवसेना (एकनाथ शिंदे गट), राष्ट्रवादी काँग्रेस पार्टी (अजित पवार गट) व रिपब्लिकन पार्टी ऑफ इंडिया (आठवले गट) या महायुतीतील घटक पक्षांची महत्त्वाची बैठक रात्री उशिरा जालना शहरात पार पडलीये..या बैठकीत महानगरपालिका निवडणूक महायुतीच्या माध्यमातून लढविणे, जागावाटप, समन्वय यंत्रणा तसेच निवडणूक रणनिती यावर सविस्तर चर्चा करण्यात आली.. महायुती एकसंघपणे निवडणुकीला सामोरे जाण्याबाबत सकारात्मक वातावरण बैठकीत दिसून आले असून, आज पुन्हा एकदा दुपारी चार वाजता बैठक होणार असून त्यानंतर युतीची घोषणा होण्याची शक्यता आहे...

- भाजपच्या वतीने प्रदेश उपाध्यक्ष संजय भेंडे भाजपचे मनपा निवडणूक प्रमुख म्हणून जबाबदारी सोपविण्यात आली आहे.

- प्रदेशाध्यक्ष रवींद्र चव्हाण यांनी केली घोषणा.

- संजय भेंडे यांना शहराच्या निवडणूक नियोजनाच्या जबाबदारीसोबतच उत्तर नागपूर विधानसभा मतदारसंघाचे प्रभारी म्हणूनही नियुक्त करण्यात आले आहे.

- भाजपचे शहराध्यक्ष दयाशंकर तिवारी यांनी शहरातील विविध विधानसभा मतदारसंघाअंतर्गत येणाऱ्या मंडळांसाठी 'प्रभाग संयोजकां'च्या नावांची घोषणा केली आहे.

हिंगोली मध्ये पोलीस अधीक्षक पदावरून दोन अधिकाऱ्यांमध्ये खुर्चीवरून खडाजंगी पाहायला मिळत आहे, हिंगोलीचे पोलीस अधीक्षक श्रीकृष्ण कोकाटे यांची गृह विभागाने बदली करत त्यांच्या जागी संभाजीनगर येथील

दहशतवादी विरोधी पथकाचे प्रमुख असलेल्या नीलम रोहन यांच्या नियुक्तीचे आदेश काढले होते मात्र बदलीचा कार्यकाळ पूर्ण न होता बदलीचे आदेश निघाल्याने पोलीस अधीक्षक श्रीकृष्ण कोकाटे यांनी केंद्रीय प्रशासकीय न्याय प्राधिकरणाकडे दाद मागितल्याने कोकाटे यांच्या बदलीवर स्थगिती आदेश देण्यात आले आहेत दरम्यान यावर आता सहा जानेवारी रोजी अंतिम सुनावणी होणार आहे मात्र या सगळ्या प्रकारामुळे हिंगोली जिल्ह्यातील पोलीस अधिकारी व पोलीस कर्मचारी जिल्ह्यात कायदा व सुव्यवस्था सांभाळताना नेमका कोणत्या साहेबांचा आदेश पाळायचा या संभ्रमात सापडले आहेत.

छत्रपती संभाजीनगरमध्ये एमआयएमच्या उमेदवारी दिल्यावरून दोन गटांमध्ये राडा झाला. प्रभाग क्रमांक १२ मध्ये किराडपुरा मध्ये माजी नगरसेवक हाजी इसाक यांना उमेदवारी डावलून मोहमद असरार यांना MIM ने उमेदवारी दिली आहे. उमेदवारी जाहीर झाल्यानंतर किराडपुरा परिसरात मोहम्मद आसरार यांनी आपल्या समर्थकासह रॅली काढली होती.

कोल्हापूर महानगरपालिका निवडणुकीच्या पार्श्वभूमीवर काँग्रेस पक्षांने आपले इच्छुक उमेदवारांची पहिली यादी केली जाहीर

काँग्रेसने जाहीर केलेल्या पहिल्या यादीत 48 इच्छुक उमेदवारांचा सहभाग

उद्धव बाळासाहेब ठाकरे शिवसेना पक्षला देण्यात आलेल्या बारा जागा वगळून काँग्रेसने जाहीर केल्या आपल्या 48 जागांवरील उमेदवारांची नावे

कोरेगाव भिमा येथील विजयस्तंभ शौर्यदिन सोहळ्याची प्रशासनाची तयारी अंतिम टप्पात आली असुन देशभरातून येणाऱ्या अनुयायांना कोणताही त्रास होणार नाही, याची विशेष दक्षता सर्व संबंधित विभागांनी घ्यावी, अशा स्पष्ट सूचना सामाजिक न्याय विभागाचे प्रधानसचिव हर्षदीप कांबळे यांनी दिल्या.

या बैठकीत वाहतूक व्यवस्थापन, सुरक्षा व्यवस्था, आरोग्य सुविधा, स्वच्छता, पाणीपुरवठा तसेच आपत्कालीन सेवा याबाबत विभागनिहाय चर्चा करण्यात आली. शौर्यदिन सोहळा शांततेत, शिस्तबद्ध आणि आनंददायी वातावरणात पार पडावा, यासाठी सर्व यंत्रणांनी समन्वयाने काम करण्याचे निर्देश कांबळे यांनी दिले.

मावळ तालुका पर्यटन नगरी म्हणून ओळखला जातो. लोणावळा आणि खंडाळा परिसरात असलेले पवना धरण, भुशी डॅम, लायन्स पॉईंट आणि टायगर पॉईंट यांसह ऐतिहासिक लेण्यांमुळे सुट्टीच्या दिवसांत पर्यटकांची मोठी गर्दी होत आहे. 100% ऑक्सिजन घेण्यासाठी राज्यसह परदेशी पाहुणेही लोणावळा शहराच्या प्रेमात दरवर्षी पडत असतात. लोणावळा खंडाळ्याला निसर्गाने भरभरून निसर्ग सौंदर्य आणि आल्हददायक वातावरण दिलं आहे. त्याचा आनंद घेण्यासाठी पर्यटक दरवर्षी लोणावळ्यात दाखल होत असतात.