Maharashtra Live News Update: अजित पवारांचं देवेंद्र फडणवीस यांना शायरीतून प्रत्युत्तर

महापालिका निवडणुकीला अवघे तीन दिवस बाकी असताना पिंपरी चिंचवड शहरातील वातावरण अतिशय तणावपूर्ण होऊ लागला आहे. काल मध्यरात्री जवळपास एक वाजता दरम्यान प्रभाग क्रमांक 21 मधील राष्ट्रवादी काँग्रेसच्या महिला उमेदवार प्रियंका सुनील कुदळे यांच्या घरावर काही अज्ञात युवकांनी शिवीगाळ करत हल्ला करण्याचा प्रयत्न केला आहे. भारतीय जनता पक्षाचे उमेदवाराच्या कार्यकर्त्यांनी माझ्या घरावर हल्ला केला असा आरोप कुदळे कुटुंबीयांनी करत पिंपरी पोलीस स्टेशन मध्ये तक्रार दाखल केली आहे.

परभणीच्या पाथरी तालुक्यातील गुंज शिवारातील 5 एकर तोंडणीला आलेला ऊस जळून खाक झाल्याची घटना घडली आहे. शेतकरी आसाराम सोपान हारकळ याचा 5 एकर ऊस तोंडणीला आला होता मात्र मध्य रात्री अचानक आग लागली आणि पूर्ण ऊस जळून खाक झाला आहे. या आगीत शेकऱ्याचे मोठे नुकसान झाले असून नुकसान भरपाई द्यावी अशी मागणी शेतकऱ्या कडून केली जात आहे.

पुण्यात आज ठिकठिकाणी विविध पक्षाच्या रॅली, पदयात्रा आणि कोपरा सभा

मतदारांवर छाप पडण्यासाठी सर्वच उमेदवारांकडून सर्वतोपरी प्रयत्न

सगळ्याच पक्षाचे विविध नेते यांच्या उपस्थितीत पार पडणार प्रचाराचे विविध कार्यक्रम

पुण्यात अजित पवारांचा रोड शो तर मुरलीधर मोहोळ यांच्या पदयात्रा, भाजप विरुद्ध राष्ट्रवादी असा थेट सामना होणार

मध्ये काही मोठी लोक येऊन शेर शायरी करून गेले आहेत...मला ही खुम खुमी आली आहे. हर पंख फैलाने वाला परिंदा उड़ नहीं पाता कई सपने घमंड और गलत दिशा में टूट जाते है। हुनर की बातें करने से कुछ नहीं होता। जमाना उसीको पहचानता है। जो मैदान में उतरकर साबित करें...

जालना महानगर पालिकेचा प्रचार शिगेला पोहोचलाय. आमदार अर्जुन खोतकरांच्या लेकीसाठी माजी केंद्रीय मंत्री रावसाहेब दानवे यांची लेक आमदार संजना जाधव मैदानात उतरल्या आहे. आमदार अर्जुन खोतकर यांची लेक दर्शना झोल खोतकर यांच्या प्रचारार्थ संजना जाधव यांची जाहीर सभा पार पडली.दरम्यान पक्षाने सांगितल्यास जालनाच काय भोकरदन ला जाऊन देखील प्रचार करेल अस आमदार संजना जाधव यांनी म्हटलंय.जालना शहर महानगरपालिका निवडणुकीच्या अनुषंगाने महायुती मधील भाजप आणि शिवसेना हे दोन पक्ष स्वबळावर निवडणुका लढवत आहे.