Maharashtra News Live Update: पुणे शहर पाणी कपातीवर दोन दिवसांत निर्णय

ब्रेन स्ट्रोक आलेल्या रुग्ण पतीला पत्नीची पाठीवर बसून उपचारासाठी धावपळ. अकोला जिल्ह्यातील शासकीय रुग्णालयातील संताप जनक प्रकार. ब्रेन स्ट्रोकमुळे आजारी असलेल्या पतीला पत्नीने पाठीवर घेत उपचारार्थ धावपळ करत असल्याचा एक व्हिडिओ सोशल मीडियावर प्रचंड वायरल होतोय.

पुण्याच्या भोर तालुक्यातील निगडे धांगवडी गावाच्या परिसरात काल संध्याकाळच्या सुमारास ढगफुटी सदृश पाऊस पडला

अचानक झालेल्या या तीव्र पावसामुळे ओढे-नाले तुडुंब भरून वाहू लागले होते..तर गावातील रस्त्यांवरून मोठ्या प्रमाणात पाणी वाहत असल्यान, रस्त्यांनाही नदीचे स्वरूप आले होते..

घरगुती गॅस वापरणाऱ्या कोट्यवधी ग्राहकांना महागाईचा आणखी एक फटका बसला आहे. १४.२ किलोच्या एलपीजी सिलेंडरच्या दरात आजपासून २९ रुपयांची वाढ करण्यात आली आहे.

तेल कंपन्यांनी घरगुती एलपीजी सिलेंडरच्या दरात २९ रुपयांची वाढ लागू केली आहे. या वाढीनंतर मुंबईत १४.२ किलोचा सिलेंडर सुमारे ९४१ रुपयांवर पोहोचला आहे. वाढीव दर आजपासून लागू झाले असून सर्वसामान्यांच्या घरगुती बजेटवर त्याचा परिणाम होणार आहे.

खडकवासला धरण प्रकल्पातील पाणी साठा कमी होत असताना पुणेकरांवर पाणी कपातीची टांगती तलवार आहे. यासंदर्भातील अंतिम निर्णय पक्षनेत्यांच्या बैठकीत होणार असून, ही बैठक उद्या किंवा परवा होण्याची शक्यता आहे.

यंदा जून ते सप्टेंबर या कालावधीत एलनिनो वादळाचा प्रभाव असणार आहे. त्यामुळे पावसाचे प्रमाण हे सरासरीच्या ९० टक्के इतकचे असणार असून, हे पावसाचे प्रमाण सामान्यापेक्षा कमी आहे. पुरेसा पाऊस नसल्याने पाण्याची तिव्र टंचाई निर्माण होण्याची शक्यता आहे.

पुरवणी परीक्षा 16 जून पासून सुरु होणार असून दहावीची 30 जून पर्यंत तर बारावीचे आठ जुलै पर्यंत चालणार आहे

शाळा महाविद्यालयातर्फे विद्यार्थ्यांनी हॉल तिकीट घेण्याचे आवहान बोर्डाकडून करण्यात आला आहे

सर्व महाविद्यालयाने ऑनलाईन प्रिंट करून विद्यार्थ्यांना प्रवेश पत्र द्यायचे आहेत.

यासाठी कुठलेही शुल्क आकारू नये असं बोर्डाने म्हटल आहे

सांगलीच्या मिरजेत भरदिवसा एका मद्यधुंद सुमोचालकाचा शंभर फुटी रोडवर थरार पाहायला मिळाला, एका चार चाकीला जोराची धडक देत थेट महापालिकेच्या सुशोभित कारंजालाच उडवलं नुकसान केले आहे,यातील काही घटना सीसीटीव्ही कॅमेरात कैद झाली आहे.यावेळी सतर्क नागरिकांनी पाठलाग करत मध्यधुंद चालकाला पकडलं आहे.शुभम राजेंद्र गायकवाड असे चालकाचे नावं आहे,हा मद्यधुंद अवस्थेत टाटा सुमो घेऊन भरधाव वेगाने सुसाट निघाला होता.नशेच्या धुंदीत असलेल्या या चालकाने सुरेश लक्ष्मण नांदरेकर यांच्या चार चाकीला पाठीमागून जोराची धडक दिली. एवढ्यावरच न थांबता सुमो थेट चौकातील महापालिकेच्या सुशोभित कारंजावर आदळली. या धडकेत चार चाकी व कारंज्याचे मोठे नुकसान झाले.