3 Year Old Leopard Dies : ग्रामस्थांना दिलासा... शेत शिवारात फिरणा-या बिबट्याचा वाहनाच्या धडकेत मृत्यू

Sangli News : सांगली जिल्ह्यातील चिकुर्डे ऐतवडे खुर्द मुख्य रोडवरील देवर्डे हद्दीत अज्ञात वाहनाच्या धडकेत एका तीन वर्षाच्या नर जातीच्या बिबट्याचा मृत्यू झाला. हा प्रकार आज (बुधवार) सकाळी परिसरातील शेतकऱ्यांच्या निर्दशनास आला. (Maharashtra News)

गेल्या आठ दिवसांपासून कुरळप फाटा ते चिकुर्डे रोडवरील दत खडी परिसरात नागरिकांना, शेतक-यांना सातत्याने बिबट्याचे दर्शन होत हाेते. त्यामुळे शेतकऱ्यांच्यात भीतीचे वातावरण होते. वन विभागाला याबाबत वारंवार सूचना देऊन देखील याबाबत संबंधित अधिकारी याकडे दुर्लक्ष करत होते.

ऐतवडे खुर्द सह करजंवडे देवर्डे कुरळप आदी पंचक्रोशीतील शेतकऱ्यांना मंदिराच्या आसपास बिबट्याचे सातत्याने दर्शन होत हाेते. बुधवारी चार वाजण्याच्या सुमारास एक शेतकरी शेतात काम करत असताना अचानक समोरून आलेल्या बिबट्याने त्यांची धादंल उडाली.

या परिसरात असणाऱ्या शेत वस्ती वरील कुत्र्यांना बिबट्याने आपले लक्ष केले हाेते. गेल्या काही महिन्यांपासून अनेक कुत्र्यांचा, रेडकांचा फडशा पाडला. रात्री अपरात्री शेत वस्तीकडे जाताना शेतकऱ्यांना बिबट्या सातत्याने दिसत आहे. ऐतवडे खुर्द ग्रामसभेत ग्रामस्थांनी बिबट्याचा बंदोबस्त करण्याची मागणी झाली होती.

दरम्यान बिबट्याचा वाहनाच्या धडकेत मृत्यू झाल्याची बातमी पसरताच चिकुर्डे देवर्डे ऐतवडे खुर्द व कुरळप परिसरातील नागरिकांनी घटनास्थळी मोठी गर्दी केली.

Edited By : Siddharth Latkar