Talathi Bharti Exam: हसायचं की रडायचं... 200 मार्कच्या पेपरमध्ये 214 मार्क, जितेंद्र आव्हाडांचा शिंदे सरकारवर हल्लाबोल

Talathi Bharti 2023

या सरकारचं नाव घोटाळेबाज सरकार आहे. कर्नाटक मध्ये 40 टक्के कमिशन घेत होते इथे 50 टक्क्यांचावचा रेट आहे. 200 मार्कचे पेपर मध्ये 214 मार्क पडतात आता हसायचं की रडायचं. सेटिंग लावायची, कटिंग करायचं, फिटिंग करून घ्यायची असा घणाघाती आरोप जितेंद्र आव्हाड यांनी युती सरकारवर केला आहे. तलाठी भरती परिक्षांवर विचारलेल्या प्रश्नावर त्यांनी सरकारवर गंभीर आरोप केले आहेत.

विधानसभा अध्यक्षांनी पदाची शोभा घालवली

आज खरं वाटतंय आहे चार वाजता सुनावणी आहे. अध्यक्ष महोदयांनी भेटीगाठी घेऊन त्या पदाची शोभा कमी करून टाकली आहे. विधानसभा अध्यक्षपदाला एक वेगळीच उंची आहे. ते सांभाळण्याचं काम अध्यक्षांनी करायला हवं होतं. अध्यक्ष महोदय उठून कोणाच्याही घरी जातात हे कधीही बघितलेलं नाही. लोक अध्यक्षांना भेटायला येतात ते मात्र तेवढेच खरं आहे. महाराष्ट्रात राम व शास्त्री यांचे विचार... डॉ. बाबासाहेब आंबेडकरांचे संविधानिक विचार, विचारात घेतले जातात की नाही प्रश्न असल्याचं ते म्हणाले.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)