Sangli Accident News : निपाणीहून पंढरपूरला निघालेली गाडी दुभाजकास धडकली, 13 जखमी

Sangli Accident News : सांगली जिल्ह्यातील कवठेमहांकाळ तालुक्यात आज (शनिवार) पहाटेच्या सुमारास भीषण अपघात झाला. कवठेमहांकाळ तालुक्यातील बोरगाव टोल नाक्यावर (borgaon toll plaza) झालेल्या अपघातात 13 जण जखमी झाले आहेत. पाेलिस घटनेची चाैकशी करीत आहेत.(Maharashtra News)

हा अपघात रत्नागिरी- नागपूर महामार्गावरील (ratnagiri nagpur highway) सांगलीच्या कवठेमहांकाळ तालुक्यातील बोरगाव टोल नाक्यावर आज पहाटे झाला. या अपघाताची घटना सीसीटीव्हीत कैद झाली आहे. वाहन चालकास डुलकी लागल्याने वाहन टोल नाक्याच्या दुभाचकला जाऊन धडकले.

त्यानंतर वाहन पलटी झाले. हा अपघात झाल्याचे पाहताच काही नागरिक वाहनाच्या दिशेने धावले. त्यांनी वाहनातील प्रवाशांना वाहनाच्या बाहेर काढण्यास प्रारंभ केला. यावेळी वाहनातील काही जणांना मार लागला हाेता. या अपघातात सुमारे 13 जण जखमी झाले आहेत. हे सर्व निपाणीहुन पंढरपूरला निघाले हाेते. सर्व जखमांना मिरजे आणि सांगलीच्या शासकीय रुग्णालयात दाखल करण्यात आले आहे.

Edited By : Siddharth Latkar