Maharashtra Assembly Election: मतदानानंतर राज ठाकरे माध्यमांशी बोलताना म्हणाले की, वरळीमध्ये कोणताही पाठिंबा शिवसेना शिंदे गटाला दिलेला नाही. आम्ही आमची निवडणूक लढवतो. गुढीपाडव्याच्या सभेत मी सांगितलं होतं की, या निवडणूकीमध्ये खूप गोंधळ होतील,चित्र विचित्र गोष्टींचे वापर होतील, त्याचप्रमाणे गोष्टी होतायत. बाकीच्यांनी माती खायचीये त्यांनी गेल्या ५ वर्षांमध्ये खाल्ली आहे. लोकं या गोष्टींना भुलणार नाहीत.
पैशांच्या वाटपाबाबत बोलताना राज ठाकरे म्हणाले की, पैशांचा वापर होतच होता, मात्र सध्या खूप उघडपणे होतोय. ज्यांनी गेल्या ५ वर्षांमध्ये तुमच्या मताचा अपमान केला आहे त्यांना तुम्ही शिक्षा दिली पाहिजे.
'मतदान कमी केल्यानं आपल्या पदरी काय कमी येईल याचा विचार केला पाहिजे. आपलं मत व्यक्त करणं अतिशय महत्त्वाचं आहे. सर्वांनी मतदान केलं पाहिजे. आपलं मत व्यक्त करण्यापासून बाजूला हटलं हा पर्याय नाहीये, असं म्हणत राज ठाकरे यांनी सर्व नागरिकांना मतदानाचा हक्क बजावण्यास सांगितला आहे.
पहिल्या दोन तासांत महाराष्ट्रात 6.61 टक्के मतदान पार पडलं आहे. गडचिरोलीमध्ये 12.33 टक्के मतदान झालं आहे. तर, संभाजी नगर जिल्ह्यात अवघं 7.5 टक्के मतदान पार पडलं आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.