Maharashtra Exit Poll : शाहूवाडी मतदारसंघात जनसुराज्य शक्तीचा विजय? पाहा Exit Poll

शाहूवाडी विधानसभा मतदारसंघात जनसुराज्य शक्ती आणि शिवसेना ठाकरे गट यांच्यात लढत रंगली आहे. विनय कोरे यांनी जनसुराज्य शक्तीकडून निवडणूक लढवली आहे. तर सत्यजित पाटील यांनी ठाकरे गटाच्या तिकिटावर निवडणूक लढवली आहे. याठिकाणी संभाव्य आमदार म्हणून जनसुराज्य शक्तीचे विनय कोरे यांना पसंती मिळत आहे.

सकाळ समूहाच्या एक्झिट पोलच्या आकडेवारीवरून शाहूवाडी मतदारसंघात विनय कोरे यांना येथील मतदार संभाव्य आमदार म्हणून कौल देताना दिसत आहेत. त्यामुळे सत्यजित पाटील यांना पराभव स्वीकारावा लागण्याची शक्यता आहे.

शाहूवाडी येथील ज्या भागातून मतदान जास्त झालं आहे तिथे विनय कोरे यांचं वर्चस्व आहे. त्यामुळे अशा भागातील एकगठ्ठा मतं ही विनय कोरे यांना मिळणार आहेत. कोरे यांचा कारखाना आणि इतर सहकारी संस्थांचं जाळं याच मतदारसंघात असल्याचे याठिकाणी त्यांच्या नावाला पसंती मिळतंय दिसते. त्यांच्या तुलनेत सत्यजित पाटील यांचे या परिसरात काम नाही. त्यामुळे सत्यजित पाटील यांना याच गोष्टीचा फटका बसणार आहे. तर दुसरीकडे याचीच संधी विनय कोरे यांना असल्याने त्यांच नाव संभाव्य आमदार म्हणून पुढे येत आहे.