Manoj Jarange News: धनंजय मुंडे, गिरीश महाजन यांना पाडणार, मनोज जरांगेंचा निर्धार

Manoj Jarange News: धनंजय मुंडे, गिरीश महाजन यांना पाडणार असल्याचा इशारा मनोज जरांगे पाटील यांनी दिला आहे. आज ते साताऱ्यात होते. यावेळी बोलताना त्यांनी राज्यातील ११३ आमदारांना पाडणार असल्याचा शब्द दिला. मनोज जरांगे मराठा आरक्षणासाठी लढत आहेत. आपल्या मागण्या मान्य होत नसल्यामुळे मनोज जरांगे पाटील आक्रमक झाले आहेत. त्यांनी सत्ताधाऱ्यांना थेट इशाराच दिलाय.

मराठा नेते मनोज जरांगे पाटील आज साताऱ्याच्या दौऱ्यावर होते. दुपारी पवई नाका येथील शिवतीर्थ येथून मनोज जरांगे पाटील यांच्या रॅलीला सुरुवात झाली. त्यानंतर सातारा शहरांमध्ये ही रॅली निघाली. गांधी मैदान येथे त्यांची जाहीर सभा झाली. या सभेमध्ये त्यांनी राज्यातील ११३ आमदारांना पाडणार असल्याचं वक्तव्य केले.