Saam Exit Poll : जामनेरमध्ये भाजपचं पारडं जड, गिरीश महाजन पुन्हा होणार आमदार? पाहा VIDEO

विधानसभा निवडणुकीत जामनेर मतदारसंघात भाजप विरुद्ध महाविकास आघाडी असा सामना रंगला. दिलीप महाजन यांचे निकटवर्तीय समजले जाणारे दिलीप खोडपे हेच त्यांच्या विरोधात विधानसभा निवडणुकीच्या रिंगणात उभे आहेत. मात्र तरीही सकाळच्या एक्झिट पोलमधून भाजपचे विद्यमान आमदार गिरीश महाजन यांचं पारडच इथे जड असलेलं बघायला मिळत आहे. त्यामुळे संभाव्य आमदार म्हणून गिरीश महाजन हे पुन्हा एकदा जामनेरमध्ये सरशी करताना दिसत आहे. तर राष्ट्रवादी शरद पवार गटाचे दिलीप खोडपे यांचा पराभव होण्याची शक्यता आहे.

विधानसभा निवडणुकीपूर्वी जामनेरमध्ये अनेक मोठ्या राजकीय घडामोडी घडल्या होत्या. त्यानंतर खोडपे यांनी महाजन यांना तगड आव्हान दिलं होतं. मात्र गिरीश महाजन यांना जामनेरच्या जनतेने कौल असल्याने ते पुन्हा एकदा आपला गड राखताना दिसत आहेत. महाजन या मतदारसंघातून वर्षानुवर्ष आमदार आहेत. राज्यात मंत्रिपद देखील त्यांनी भूषवलं आहे. आता 2024मध्ये देखी टेक संभाव्य आमदार असतील असं दिसत आहे.

दरम्यान, गिरीश महाजन यांचा विजय झाला तर त्यामुळे महाविकास आघाडीला मोठा फटका बसणार आहे. जामनेरमध्ये काल मतदान प्रक्रिया उशिरापर्यंत सुरू होती. मतदारसंघातील मुस्लिमबहुल भागात देखील मतदानासाठी लांबच लांब रांगा दिसून आल्या आहेत. जामनेरमध्ये 70.54 एकूण मतदान झालं आहे. याठिकाणी 3 लाख 35 हजार 274 इतके मतदार आहेत. 2 लाख 36 हजार 534 मतदारांनी उमेदवारांचं भवितव्य मतदान पेटीत बंद केलं आहे. आता नेमकी बाजू कोण मारणार हे 23 तारखेलाच समजणार आहे.