Sakal Exit Poll: मुरबाडमध्ये किसन कथोरे होणार आमदार? पाहा एक्झिट पोल

मुरबाड मतदारसंघात भाजप उमेदवाराचं पारडं जड दिसत आहे. मुरबाडमध्ये दुहेरी लढत झाली. या ठिकाणी भाजपचे उमेदवार किसन कथोरे विरुद्ध राष्ट्रवादी काँग्रेस शरद पवार गटाचे उमेदवार सुभाष पवार यांच्यामध्ये तगडी लढत झाली. अशामध्ये या दोघांपैकी नक्की आमदार कोण होणार हे जाणून घेण्यासाठी सर्वजण उत्सुक आहेत. सकाळच्या एक्झिट पोलमध्ये मुरबाड विधानसभेच्या संभाव्य आमदाराचे नाव समोर आले आहे.

सकाळच्या एक्झिट पोलनुसार भाजपचे किसन कथोरे हे संभाव्य आमदार होण्याची शक्यता आहे. किसन कथोरे हे शरद पवार गटाचे उमेदवार सुभाष पवार यांचा पराभव करण्याची शक्यता आहे. किसन कथोरेंना मुरबाडकरांनी पसंती दिली आहे. या मतदारसंघामध्ये दोघांमध्ये काटेंकी टक्कर होती. शरद पवार यांनी या मतदारसंघामध्ये सभा देखील घेतली होती. पण तरी देखील मुरबाडच्या जनतेने किसन कथोरे यांना आमदार म्हणून निवडले असल्याची शक्यता आहे.

किसन कथोरे संभाव्य आमदार होण्याची नेमकी काय कारणं आहेत ते जाणून घेणार आहोत. मुरबाड विधानसभा मतदारसंघामध्ये महायुतीकडून किसन कथोरे तर महाविकास आघाडीकडून सुभाष पवार निवडणुकीच्या रिंगणात होते. या निवडणुकीत सुभाष पवार यांनी किसन कथोरे यांना आव्हान उभे केले.

किसन कथोरे हे या मतदारसंघामध्ये ३ वेळा आमदार झाले. त्यांना आता देखील विश्वास आहे की ते आमदार होतील. किसन कथोरेंना अंतर्गत वादाचा सामना करावा लागला. कारण वामन म्हात्रे आणि कपिल पाटील निवडणूक प्रचारात दिसले नाही. याचा फटका किसन कथोरे यांना बसू शकतो. तरी देखील किसन कथोरे यांनी केलेली काम, जनसंपर्क, प्रचारासाठी केलेली मेहनत हे लक्षात घेता तेच विजयी होतील असे दिसून येते.