Maharashtra Election : शिवसेना फोडण्याचं पुण्यकर्म पवारांचं, भुजबळांचा पवारांवर प्रहार

भरत मोहळकर, साम टीव्ही प्रतिनिधी

Maharashtra Assembly elections: शरद पवारांनी येवल्यात जाऊन भुजबळांना पाडण्याचं आवाहन केल्यानं भुजबळ चांगलेच आक्रमक झालेत. तर भुजबळांनी 1991 चा संदर्भ देत पवारांवर हल्लाबोल केलाय. त्यावरून चांगलंच राजकारण रंगलंय. यावरचा हा स्पेशल रिपोर्ट....

विधानसभा निवडणूकीत शिवसेना आणि राष्ट्रवादीतील फुटीवरून वातावरण तापलंय. त्यातच शरद पवारांनीच 1991 मध्ये पहिल्यांदा शिवसेना फोडण्याचं पुण्यकर्म केल्याची टीका छगन भुजबळांनी केलीय... त्यामुळे राज्याच्या राजकारणात खळबळ उडालीय.. तर शिवसेनेच्या मंडल विरोधी भूमिकेमुळे शिवसेना सोडल्याचं भुजबळांनी सांगितल्याची आठवण राऊतांनी करून दिलीय.

भुजबळांच्या आरोपानंतर खुद्द शरद पवारांनीच साम टीव्हीच्या ब्लॅक अँड व्हाईट मुलाखतीत भुजबळांनी शिवसेना सोडल्याची इनसाईड स्टोरी सांगितलीय.

भुजबळ सोडून गेल्यामुळे शरद पवार चांगलेच इरेला पेटलेत.. त्यामुळेच त्यांनी भुजबळांना पाडण्याचा निर्धारच केलाय. त्यामुळे भुजबळांनीही पवारांना जशास तसं उत्तर देण्याचा निर्धार केलेला दिसतोय. त्यामुळेच त्यांनी जुना संदर्भ देत पक्षफोडीचं राजकारण पवारांनीच सुरु केल्याचं ठसवण्याचा प्रयत्न केलाय. मात्र या आरोप-प्रत्यारोपांच्या फैरीत कोण बाजी मारणार याचा निकाल 23 तारखेलाच लागणार आहे.