Maharashtra Election Result: वरळीत कांटे की टक्कर, मिलिंद देवरा-आदित्य ठाकरेमध्ये टफ फाईट, कधी आघाडी- कधी पिछाडी

मुंबईमध्ये हायव्होलटेज लढती पैकी एक मानली जातेय ती वरळी मतदार संघाची लढत. मात्र या ठिकाणी शिवसेना ठाकरे गटाला धक्का बसल्याची शक्यता वर्तवण्यात येतेय. वरळीच्या मतदारसंघाचे विद्यमान आमदार आदित्य ठाकरे कधी आघाडीवर तर कधी पिछाडीवर असल्याची माहिती आहे. या ठिकाणी शिवसेना शिंदे गटाच्या मिलिंद देवरांकडे काही वेळापूर्वी आघाडी होती.

वरळीतून शिवसेना विरूद्ध शिवसेना अशी लढत होती. यामध्ये आदित्य ठाकरे विरूद्ध मिलिंद देवरा यांच्यामध्ये ही लढत होती. पहिल्या फेरीतील मतमोजणीत आदित्य ठाकरे आघाडीवर होते. मात्र त्यानंतर आदित्य ठाकरे ५९७ मतांनी पिछाडीवर होते. त्यामुळे हा मोठा धक्का शिवसेना ठाकरे गटासाठी मानला जाऊ शकतो.

सध्या मतमोजणीच्या आकड्यांनुसार, महाविकास आघाडी ५४ जागांवर आघाडीवर आहे. तर महायुती २१६ जागांवर आघाडीवर आहे. यामध्ये शिवसेना ठाकरे गटाकडे १९ जागा असून शिंदे गटाकडे ५६ जागा आहेत.

वरळी विधानसभा जागा ही महाराष्ट्रातील हाय प्रोफाईल जागा मानली. ही जागा मुंबईतील सर्वात पॉश आणि समृद्ध भागांपैकी एक आहे. वरळीची जागा शिवसेनेचा बालेकिल्ला मानली जाते. आदित्य ठाकरे विद्यमान आमदार आहेत. 2019 च्या निवडणुकीत त्यांनी ही जागा जिंकून त्यांचा निवडणूकीतील पहिला विजय मिळवला होता.

महाराष्ट्र विधानसभा निवडणूक निकालांचे ताजे अपडेट इथं वाचा...

Maharashtra All Constituency Assembly Election results Updates