विनोद पाटील
मुंबईतील महायुतीच्या सहा लोकसभा उमेदवारांसाठी स्वत: पंतप्रधान नरेंद्र मोदी शिवतीर्थावर सभा होणार आहे. 18 मे रोजी प्रचाराच्या तोफा थंडावतील. त्याआधी 17 मे रोजी पंतप्रधान नरेंद्र मोदी शिवतीर्थावर सभा घेणार आहेत. दरम्यान मोदींच्या सभेला मनसेप्रमुख राज ठाकरे देखील उपस्थित राहणार असल्याची माहिती समोर आलीय.
राज ठाकरेंनी महायुतीसाठी सभा घेण्यावरून अनिल परबांनी निशाणा साधलाय.. मला माझ्या कडेवर दुसऱ्याची पोरं खेळवायची नाहीत असं जाहीर सभेतून सांगणारे राज ठाकरे आता कुणाची पोरं खेळवणार आहेत असा सवाल अनिल परबांनी केलाय. मला माझ्या कडेवर दुसऱ्याची पोरं खेळवायची नाहीत असं जाहीर सभेतून सांगणारे राज ठाकरे आता कुणाची पोरं खेळवणार आहेत.
या जाहीर पाठींब्यानंतर पहिल्यांदाच राज ठाकरे आणि नरेंद्र मोदी शिवाजी पार्कवर एका मंचावर दिसणार आहेत. महायुतीची अखेरच्या टप्प्यातील ही अखेरची सर्वात मोठी सभा असणार आहे. त्यामुळे या सभेतून राज ठाकरे आणि मोदी कुणाचा समाचार घेतात याबाबत उत्सुकता आहे. कारण मोदींची चारशे पारच्या घोषणेवर ठाकरेंनी तडीपारची घोषणा दिलीय.
राज्यात आता केवळ अखेरच्या टप्प्याचं मतदान बाकी आहे. आणि यात मुंबई महानगराचा समावेश आहे. त्यामुळे महायुती आणि मविआ दोघेही संपूर्ण जोर लावणार. शिवाजी पार्कातील तोफा जास्त धडाडणार की बीकेसीतल्या याकडे सा-या राज्याचं लक्ष लागलंय.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.