नाशिक, ता. २७ एप्रिल २०२४
नाशिक लोकसभेच्या जागेवरुन महायुतीत तिढा अद्याप कायम आहे. राष्ट्रवादी अजित पवार गट तसेच शिंदे गटामध्ये रस्सीखेच सुरू आहे. अशातच नाशिक लोकसभेत आणखी एक नवा ट्विस्ट समोर आला असून महंत अनिकेत शास्त्रीही निवडणुकीच्या रिंगणात उतरले आहेत. विशेष म्हणजे भाजप नेत्यांनीच अर्ज भरण्याच्या सुचना दिल्याचा दावाही त्यांनी केला आहे.
एकीकडे नाशिकच्या जागेवरुन महायुतीत पेच कायम असतानाच शांतीगिरी महाराजांनंतर आणखी एक आध्यात्मिक गुरू नाशिक लोकसभा निवडणुकीच्या रिंगणात उतरले आहेत. महंत अनिकेत शास्त्री यांनीही नाशिक मतदार संघावर दावा केला असून माझ्याच उमेदवारीची घोषणा होईल, असेही ते म्हणालेत.
"मी भाजपकडूनच निवडणूक लढवत आहे. देवेंद्र फडणवीस, गिरीश महाजन यांच्यासह केंद्रातील वरिष्ठ भाजप नेत्यांनी मला अर्ज भरण्यास सांगितलं आहे. कोणत्याही क्षणी माझी उमेदवारी घोषित होईल, असे अनिकेत शास्त्री यांनी म्हटले आहे. त्यामुळे आता भाजप पक्षश्रेष्ठी काय निर्णय घेणार?" हे पाहणे महत्वाचे ठरणार आहे.
नाशिक लोकसभेसाठी आजपासून उमेदवारी अर्ज भरण्यास सुरुवात झाली आहे. मात्र अद्याप महायुतीचा उमेदवार ठरलेला नाही. एकीकडे शिंदे गटाचे हेमंत गोडसे, अजय बोरस्ते यांच्या नावाची चर्चा असतानाच नवी दोन नावे समोर आली आहेत. यामध्ये माजी खासदार देविदास पिंगळे आणि सिन्नरचे विद्यमान आमदार माणिकराव कोकाटे यांच्या नावाचा समावेश आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.