कुठला नेता आला आणि आम्हाला पाडायचं म्हटलं तर त्याच्या बाप जन्मी जमणार नाही. दम असेल तर एका व्यासपीठावर या असे आव्हान खासदार संजयकाका पाटील (mp sanjaykaka patil) यांना भाजपचे बंडखोर माजी नगरसेवक सुरेश आवटी यांनी दिले. विशेष म्हणजे काँग्रेसचे बंडखोर अपक्ष उमेदवार विशाल पाटील (vishal patil sangli) यांच्या मिरज येथील प्रचार कार्यालय उद्घाटन प्रसंगी आवटी बोलत होते. (Maharashtra Lok Sabha Election News in Marathi)
सांगली मतदारसंघात महाविकास आघाडीचे उमेदवार चंद्रहार पाटील, महायुतीचे उमेदवार संजयकाका पाटील आणि अपक्ष उमेदवार विशाल पाटील यांच्या प्रामुख्याने लढत हाेणार आहे. सांगली लोकसभा मतदारसंघात निवडणुकीचा प्रचार शिगेला पाेहचला आहे. विराेधकांबराेबरच स्वकियांना देखील आवरणे उमेदवारांना कठीण हाेऊ लागले आहे.
खासदार संजयकाका पाटील यांनी दोन वेळा संधी दिलेल्या बाजार बुणग्यांना आता ठेचायची वेळ आली आहे. उद्याच्या राजकारणात त्यांना घरी बसल्याशिवाय स्वस्थ बसणार नाही अशी शपथ मिरजेत प्रचारा दरम्यान घेत बंडखोर नगरसेवकांना इशारा दिला हाेता.
('साम टीव्ही'चं व्हॉट्सअॅप चॅनल जॉईन करण्यासाठी येथे क्लिक करा)
त्यावर बंडखोर नगरसेवक गटाचे नेते सुरेश आवटी यांनी खासदार संजयकाका पाटलांवर जोरदार पलटवार केला. काँग्रेसचे बंडखोर उमेदवार विशाल पाटील यांच्या मिरजेतल्या प्रचार कार्यालय उद्घाटन प्रसंगी आवटी यांनी कुठला नेता आला आणि आम्हाला पाडायचं म्हटलं तर त्याच्या बाप जन्मी जमणार नाही,शिवाय दम असेल तर एका व्यासपीठावर या असे आव्हान खासदार संजयकाका पाटील यांना दिले.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.