बिहारमध्ये एनडीएला २०१९ च्या तुलनेत कमी जागा मिळण्याचा अंदाज India Today- Axis My India ने मांडला आहे. यावेळी एनडीएला 29-33 जागा मिळणार आहेत तर इंडिया आघाडीला 7-10 जागा मिळणार आहेत. एनडीए २०१९ मध्ये 39 जागा मिळाल्या होत्या. तर ४८ टक्के मतदान एनडीएला मिळण्याचा अंदाज आहे. तर २ जागा इतर पक्षांना मिळणार आहेत.
बिहार राज्य नेहमीच राजकारणाच्या केंद्रस्थानी राहिलं आहे. २०२४ च्या लोकसभा निवडणुकीच्या प्रचारादरम्यान एनडीए आणि इंडिया आघाडीत चुरस पहायला मिळाली. एनडीएनच्या बाजूने पीएम मोदी, अमित शहा आणि नितीश कुमार आघाडीवर होते, तर दुसऱ्या बाजूला तेजस्वी यादव आणि मुकेश साहनी होते.
आरजेडीच्या तेजस्वी यादवही यांनी लोकसभा निवडणुकीच्या प्रचारात वाहून घेतलं होते. या लोकसभा निवडणुकीत त्यांच्या पक्षाला गमावण्यासारखं काही नव्हतं. कारण 2019 च्या लोकसभा निवडणुकीत आरजेडीचे खातंही उघडलं नव्हतं. पण आता निवडणुकीनंतर एक्झिट पोलमध्ये भारत आघाडीला मोठा फायदा होताना दिसत आहे.
2019 च्या लोकसभा निवडणुकीत बिहारमध्ये एनडीएला 40 पैकी 39 जागा मिळाल्या होत्या. पण यावेळी तेजस्वी यादव यांच्या नेतृत्वाखालील भारत आघाडीला बिहारमध्ये मोठा फायदा होताना दिसत आहे. AajTak Axis My India च्या एक्झिट पोलमध्ये NDA आघाडीला 40 पैकी 29-33 जागा मिळतील असा अंदाज आहे तर INDIA आघाडीला 7-10 जागांवर यश मिळू शकतं.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
