लोकसभा निवडणुकीचा निकाल अवघ्या काही तासांवर येऊन ठेपला आहे. महाराष्ट्रात महायुती की महाविकास कुणाला सर्वाधिक जागा मिळणार याकडे सर्वांचं लक्ष लागून आहे. अशातच छत्रपती संभाजीनगर लोकसभा मतदारसंघातून शिवसेना ठाकरे गटाचे उमेदवार चंद्रकांत खैरे यांचाच विजय होईल, असा अंदाज एक्झिट पोलच्या आकडेवारीतून समोर आला आहे.
एक्झिट पोलच्या या आकडेवारीवर संदिपान भुमरे यांनी भाष्य केलं आहे. "एक्झिट पोलचा अंदाज काय सांगतो त्याच्यापेक्षा निकालातील आकडेवारी महत्वाची आहे. मला खात्री आहे की, उद्या जो निकाल येईल त्यात इथे महायुतीचा उमेदवार प्रचंड मतांनी निवडून येईन", असा विश्वास भुमरे यांनी व्यक्त केला आहे.
"निवडणुकीच्या प्रचारादरम्यान चंद्रकांत खैरे म्हणाले होते की, यावेळी मी निवडून नाही आलो तर हिमालयात जाईल. आता आम्ही त्यांना हिमालयात पाठवण्याची तयारी पूर्ण केली आहे. आम्ही त्यांना निरोप देण्यासाठी सज्ज आहोत. त्यांना जे साहित्य लागेल ते सुद्धा आम्ही देणार आहोत", असा टोला संदिपान भुमरे यांनी लगावला आहे.
छत्रपती संभाजीनगर मतदारसंघ हा पहिल्यापासून शिवसेनेचा बालेकिल्ला राहिलेला आहे. चंद्रकांत खैर या मतदारसंघातून ४ वेळा खासदार म्हणून निवडून आलेले आहेत. मात्र २०१९ निवडणुकीत एमआयएमचे खासदार इम्तियाज जलील यांनी त्यांचा अत्यंत कमी फरकाने पराभव केला होता.
अपक्ष उमेदवार हर्षवर्धन जाधव यांच्यामुळे खैरेंचा पराभव झाल्याचं समोर आलं होतं. आता शिवसेनेत दोन गट पडल्यानंतर दोन्ही पक्षांनी या मतदारसंघातून आपआपले उमेदवार उभे केले आहेत. त्यामुळे यंदाही संभाजीनगरमध्ये चौरंगी लढत होत आहेत. या लढतीत नेमका कोणत्या पक्षाचा उमेदवार बाजी मारणार, याकडे सर्वांचं लक्ष लागून आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.