पृथ्वीराज चव्हाणांचा बालेकिल्ला ढासळला, उदयनराजेंच्या विजयाचा अतुल भोसलेंनी मताधिक्यातून दिलं दणदणीत उत्तर

उदयनराजे भाेसले यांच्या विजयात भाजपने काॅंग्रेसचे ज्येष्ठ नेते आमदार पृथ्वीराज चव्हाण यांच्या कराड दक्षिण मतदारसंघात मुंसडी मारली आहे. सन 2019 च्या निवडणुकीत कराड दक्षिणमधून राष्ट्रवादी कॉग्रेसला 32 हजार मतांची आघाडी होती. त्याचं ठिकाणी आता भाजपाने 616 मतांची आघाडी घेतली आहे. त्यामुळे पृथ्वीराज चव्हाणांनी आत्मचिंतन करावे, असा टोला सातारा लोकसभा प्रभारी डॉ. अतुल भोसले यांनी आमदार चव्हाणांना लगावला आहे.

सातारा लोकसभा मतदारसंघातून भाजपचे खासदार उदयनराजे भाेसले यांचा सुमारे 25 हजार पेक्षा अधिक मतांनी विजयी झाले आहेत. केवळ अधिकृत घाेषणा अद्याप बाकी आहे. पृथ्वीराज चव्हाण यांनी कराड दक्षिण मतदारसंघातून आमदार शशिकांत शिंदेना उत्तम मते मिळतील. उदयनराजेंचा दीड लाखांनी पराभव हाेईल असा विश्वास आमदार पृथ्वीराच चव्हाण यांनी म्हटले हाेते.

त्यावर डाॅ. अतुल भाेसले म्हणाले भाजपचे उमेदवार उदयनराजेंना कराड दक्षिणमधून 616 मतांची आघाडी दिली आहे. त्यामुळे कराड दक्षिणच्या मतदारांनी कमळ चिन्हाला भरघाेस मतदान केले आहे. त्याचे आमदार पृथ्वीराज चव्हाण यांनी आत्मचिंतन करावे.

Edited By : Siddharth Latkar