अनेकदा आयुष्यात येणाऱ्या अडचणींचं कारण आपण ग्रहांची स्थिती किंवा खराब वेळेला मानतो. पण आपल्या रोजच्या काही सवयींचाही आयुष्यावर परिणाम होऊ शकतो, असं वास्तुशास्त्र आणि ज्योतिषशास्त्रात सांगितलं जातं.
आपल्या नकळत होणाऱ्या काही छोट्या चुका घरातील सकारात्मक वातावरणावर परिणाम करू शकतात. यामुळे कामात अडथळे येणं, आत्मविश्वास कमी होणं अशा समस्यांना सामोरं जावं लागू शकतं. त्यामुळे रोजच्या जीवनातील कोणत्या सवयी टाळायला हव्यात, हे जाणून घेणं महत्त्वाचं आहे.
वास्तुशास्त्र आणि ज्योतिषशास्त्रानुसार, सूर्याला ऊर्जा, आरोग्य आणि मान-सन्मानाचं प्रतीक मानलं जातं. पण सकाळी उशिरापर्यंत झोपल्यामुळे आपल्याला सकाळच्या नैसर्गिक सूर्यप्रकाशाचा फायदा मिळत नाही. यामुळे सकारात्मक ऊर्जा कमी होते, अशी मान्यता आहे.
प्रत्येक व्यक्तीची स्वतःची ऊर्जा असते आणि तिचा परिणाम कपड्यांवरही होतो, अशी वास्तुशास्त्रात मान्यता आहे. त्यामुळे वारंवार दुसऱ्या व्यक्तीचे कपडे घालणं शुभ मानलं जात नाही. यामुळे मन अस्वस्थ होणं, चिडचिड वाढणं आणि नकारात्मक विचार येणं अशा समस्या निर्माण होऊ शकतात. रोज वापरले जाणारे कपडे एकमेकांचे वापरणं टाळावं.
अनेकांना दातांनी नखं चावण्याची सवय असते. पण ही सवय केवळ वाईट नसून मानसिक अस्वस्थतेचं लक्षणही मानली जातं. वास्तुशास्त्र आणि ज्योतिषशास्त्रानुसार, नखं चावण्याच्या सवयीमुळे एकाग्रता कमी होऊ शकते. त्याचप्रमाणे योग्य निर्णय घेण्याच्या क्षमतेवरही परिणाम होतो. त्यामुळे वारंवार चुकीचे निर्णय घेण्याची शक्यता वाढते.
अंथरुणाचा वापर प्रामुख्याने विश्रांती आणि झोपण्यासाठी करावा, असं वास्तुशास्त्रात सांगितलं जातं. त्यामुळे बिछान्यावर बसून जेवण करणं शुभ मानलं जात नाही. या सवयीमुळे नकारात्मक ऊर्जा वाढते आणि मानसिक ताण किंवा मनात गोंधळ निर्माण होऊ शकतो, अशी मान्यता आहे. त्यामुळे नेहमी स्वच्छ जागी, शांत मनाने आणि योग्य दिशेला तोंड करून बसून जेवण करावं.
(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.