Arthritis Diet : तुम्हालाही संधिवाताचा त्रास आहे? या पदार्थांचे सेवन करणे टाळा, अन्यथा...

Which Foods To Avoid in Arthritis Disease :

हिवाळा सुरु झाला की, अनेकांना संधिवाताचा त्रास उद्भवतो. सांधेदुखीमध्ये शरीराची रोगप्रतिकारक शक्ती कमकुवत होते. या स्थितीमध्ये हाडांमधील वेदना आणि सूज वाढू लागते. काळजी न घेतल्यास हा आजार संपूर्ण शरीरभर पसरु लागतो.

जर तुम्हालाही हा आजार (Disease) असेल तर तुम्ही देखील काळजी घ्यायला हवी. तसेच खाण्यापिण्याच्या गोष्टीतही बदल करायला हवे. यासाठी चुकूनही तुम्ही या ४ गोष्टींचा आहारात (Diet) समावेश करु नका.

1. वनस्पती तेल

जर तुम्ही संधिवाताच्या समस्येने त्रस्त असाल तर तुम्ही चुकूनही आहारात वनस्पती तेलाचा वापर करु नये. त्यात उच्च ओमेगा आणि फॅटी अॅसिड अधिक प्रमाणात असते. जे स्नायूंमधली सूज वाढवू शकते.

2. संत्री

या आजारात संत्री आणि इतर आंबट फळे खाणे टाळावे. यामध्ये व्हिटॅमिन (Vitamin) सी मुबलक प्रमाणात असते. यामुळे तुमच्या हाडांवर जमा होणाऱ्या कॅल्शियमचा थर खराब होऊ शकतो. ज्यामुळे संधिवाताचा त्रास अधिक वाढेल.

3. वांग

वांग्यामध्ये सोलॅनिन नावाचे संयुग समृद्ध असते. जे संधिवात हाडांसाठी हानिकारक आहे. त्यामुळे हाडे आतून कमकुवत होऊ लागतात. जर याचे सेवन तुम्ही देखील करत असाल तर वेळीच थांबवा.

4. कॉफी

हल्ली कॉफी पिण्याचे प्रमाण अधिक प्रमाणात वाढले आहे. जर तुम्ही देखील दिवसाला चार ते पाच कप कॉफी पित असाल तर वेळीच थांबा. कॉफीमध्ये कॅफिनचे प्रमाण जास्त असल्याने तुमच्या हाडांचे आरोग्य कमकुवत होऊ शकते. ज्यामुळे सांधेदुखीचा त्रास वाढू शकतो.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.