Home Loan Hidden Charges : गृह कर्जावर बँक का आकाराते अधिक शुल्क ? या हिडन चार्जेसबद्दल तुम्हाला माहित आहे का ?

Is it a good idea to get a home loan : गृहकर्ज घेणारे बहुतेक लोक फक्त व्याज आणि प्रक्रिया शुल्काची चौकशी करतात.
Home Loan Hidden Charges
Home Loan Hidden ChargesSaam tv

What Are The Extra Charges For Home Loan : वाढत्या महागाई स्वत:च घर घेणे सर्वसामान्यासाठी कठीण आहे. परंतु, घराचे स्वप्न पूर्ण करण्यासाठी गृहकर्ज हा मोठा आधार मानला जातो. गृहकर्ज घेणारे बहुतेक लोक फक्त व्याज आणि प्रक्रिया शुल्काची चौकशी करतात. ते कर्ज घेण्यापूर्वी बँकांकडून आकारण्यात येणाऱ्या विविध शुल्कांची कोणतीही माहिती घेत नाहीत.

हे छुपे शुल्क ग्राहकाच्या खिशाला खूप भारी पडतात. अशा परिस्थितीत ग्राहकांना त्यांची माहिती असणे आवश्यक आहे. हे शुल्क काळजीपूर्वक समजून घेतले नाही तर गृहकर्ज हा तोट्याचा सौदा ठरू शकतो.

Home Loan Hidden Charges
Home Loan Prepayment : गृहकर्जातून वेळेआधीच व्हा मुक्त; पाच टीप्स तुमचं टेन्शन कमी करतील

छुपे शुल्क आणि त्यांचे दर प्रत्येक बँकेत (Bank) बदलतात. असे होऊ शकते की एक बँक एखाद्या सेवेच्या नावाने शुल्क आकारत असेल तर दुसरी तीच सेवा मोफत देत असेल. म्हणून, गृहकर्ज घेण्यापूर्वी, एखाद्याने व्याज आणि प्रक्रिया शुल्क तसेच बँकांच्या इतर शुल्कांची तुलना करणे आवश्यक आहे.

1. लॉगिन फी

bankbazaar.com नुसार लॉगिन फी ज्याला प्रशासकीय फी किंवा अर्ज फी म्हणून देखील ओळखले जाते. काही बँका तुमचे कर्ज मंजूर होण्यापूर्वीच कर्जासाठी अर्ज केल्यावर काही पैसे आकारतात. हे शुल्क साधारणपणे 2,500 ते 6,500 रुपयांपर्यंत (Price) असते. तुमचे कर्ज मंजूर झाल्यावर ही रक्कम तुमच्या प्रोसेसिंग फीमधून वजा केली जाते. कर्ज मंजूर न झाल्यास लॉगिन शुल्क परत केले जात नाही.

Home Loan Hidden Charges
Weight And Height Calculate : वयानुसार किती असायला हवे आपले वजन?

2. प्रीपेमेंट चार्ज (Charged)

याला फोरक्लोजर चार्ज आणि प्रीक्लोजर चार्ज असेही म्हणतात. तुम्ही मुदत संपण्यापूर्वी तुमचे गृहकर्ज पूर्ण भरल्यास हे शुल्क लागू होते. हे उरलेल्या रकमेच्या 2% ते 6% दरम्यान बदलते.

3. रूपांतरण शुल्क

याला स्विचिंग शुल्क असेही म्हणतात. जेव्हा तुम्ही तुमचे फ्लोटिंग-रेट पॅकेज फिक्स्ड-रेट पॅकेजमध्ये किंवा फिक्स्ड-रेट पॅकेज फ्लोटिंग रेटमध्ये रूपांतरित करता तेव्हा हे लागू होते. हे साधारणपणे थकीत कर्जाच्या रकमेच्या 0.25% ते 3% पर्यंत असू शकते.

Home Loan Hidden Charges
Fixed Deposit Scheme : SBI च्या 400 दिवसांच्या FD वर मिळणार बंपर व्याज, बँकेने 'ही' योजना पुन्हा केली सुरु

4. वसुली शुल्क

जेव्हा कर्जदार ईएमआय भरत नाही आणि त्याचे खाते डीफॉल्ट होते आणि बँकेला त्याच्याविरुद्ध काही कारवाई करावी लागते तेव्हा हे शुल्क आकारले जाते. या प्रक्रियेत खर्च होणारी रक्कम ग्राहकाकडून वसूल केली जाते.

5. कायदेशीर शुल्क

मग ते मालमत्तेचे मूल्यांकन असो किंवा विविध कागदपत्रांची पडताळणी असो, बँका या आवश्यक गोष्टी पूर्ण करण्यासाठी कायदेशीर तज्ज्ञ नियुक्त करतात. या कामाच्या बदल्यात त्यांना फी दिली जाते. त्यामुळे बँका गृहकर्जावर कायदेशीर शुल्कही लागू करतात.

Home Loan Hidden Charges
Home Loan : फक्त एका क्लिकवर लवकरच मिळणार पेपरलेस होम लोनची सुविधा; जाणून घ्या, कशी ?

6. तपासणी शुल्क

ज्या मालमत्तेसाठी गृहकर्ज घेतले जाईल त्या मालमत्तेच्या बाजार मूल्याचे मूल्यांकन करण्यासाठी बँक तांत्रिक तज्ञांची नियुक्ती करतात. हे तज्ञ अनेक पॅरामीटर्सवर मालमत्तेचे मूल्यांकन करतात. यासाठी बँका वेगळे शुल्क आकारतात.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com