Nirmala Sitharaman: निर्मला सितारामन यांच्या साडीचे 'हे' वैशिष्ट्य ९९% लोकांना माहीत नाही? जाणून घ्या खासियत

आज आपल्या देशाच्या अर्थमंत्री निर्मला सितारमण आठव्यांदा अर्थसंकल्प सादर करणार आहेत. यांची सगळ्यात मोठी बाब म्हणजे त्या सर्वाधिक काळ अर्थसंकल्प सादर करणाऱ्या अर्थमंत्री ठरल्या आहेत. आज ११ वाजता अर्थसंकल्प सादर करायला सुरुवात झाली आहे. या आधी निर्मला सितारामन यांचे बजेट टीमसह एक खास फोटो सेशन झाले. त्यात त्यांच्या साडीवर अनेक प्रकारच्या चर्चा झाल्या. गेल्या ७ अर्थसंकल्पाच्या दिवशी निर्मला सीतारामन यांनी नेसलेली साडी आकर्षक राहिली होती. तसेच या वेळी सुद्धा त्यांनी एक विशेष प्रकारची साडी परिधान केली आहे.

त्या पारंपारिक साडीचा रंग हा क्रीम कलर म्हणजेच 'मधुबनी मोटिफ' आहे. तसेच या साडीचे विशेष आकर्षण म्हणजे त्यांच्या साडीवर असलेली डिजाईन. या साडीवर झगमगाट नसुन एक सुंदर पेंटिग करण्यात आली आहे. या पेंटिगला मिथिला पेटिंग म्हणतात. ही साडी त्यांनी डार्क लाल कलरच्या ब्लाउजसह परिधान केली आहे. त्यामुळे अर्थमंत्री सगळ्यात उठून दिसत आहेत. इतकेच नाही तर त्यांनी हातात सोन्याच्या बांगड्या, गळ्यात चेन आणि कानातले सुद्धा परिधान केले आहेत.

अर्थमंत्र्यांची साडी कोणी डिझाईन केली?

अर्थमंत्री निर्मला सितारामन यांची साडी मधुबनी दिसायला साधी आणि आकर्षक आहे. ही साडी मधुबनी पेंटिंग असलेली आहे. त्यांना ही साडी सौराठ मिथिला पेंटिंग इंस्टीट्यूटमध्ये मिळाली होती. तसेच दुलारी देवी यांनी ही साडी त्यांना गिफ्ट केली होती. अशी माहिती जनता दल युनायटेडचे कार्यकारी अध्यक्ष संजय झा यांनी दिली आहे. दुलारी देवी यांना २०२१ मध्ये पद्मश्री पुरस्काराने सन्मानित करण्यात आले होते.

मधुबनी पेंटिंगची खासियत काय?

मधुबनी पेंटिंग, ज्याला मिथिला पेंटिंग म्हणून सुद्धा ओळखले जाते. ही बिहारची मिथिला प्रदेशातील एक प्रमुख पारंपारिक कला आहे. ही पेंटिंग प्रामुख्याने महिला वर्ग करतात. त्यात नैसर्गिक रंगांचा वापर करण्यात आला आहे. ही कला भारत आणि नेपाळमध्ये प्रचलित असलेली चित्रकला शैली आहे. हे नाव बिहार, भारतातील मधुबनी जिल्ह्याच्या नावावरून ठेवण्यात आले आहे. यात वापरले जाणारे रंग नैसर्गिक असतात. यात तपकिरी लालसर आणि काळा रंग देण्यासाठी नैसर्गिक गेरू आणि लॅम्पब्लॅक सारख्या रंगद्रव्यांचा वापर करतात.