Ashadha Amavasya 2025 : घरातील आजारपणं, पैशाची चणचण दूर करण्यासाठी आषाढ अमावस्येला करा हे प्रभावी उपाय

आषाढ अमावस्या हा दिवस अत्यंत महत्वाचा मानला जातो. हा दिवस पितृंची कृपा मिळवण्यासाठी योग्य मानला जातो. या अमावस्येला केलेले उपाय अनेक अडीचणींपासून तुम्हाला लांब ठेवू शकतात. तसेच घरातील आजारपणं किंवा पैशाची चणचण दूर करण्यासाठी हा दिवस फायदेशीर ठरतो. पौराणिक चालीरितींनुसार या दिवशी पुण्य मिळवण्यासाठी काही उपाय केले जातात. पुढे आपण याबद्दल सविस्तर जाणून घेऊ.

आषाढ अमावस्या तारिख आणि वेळ

आषाढ अमावस्या येत्या २४ जून २०२५ रोजी आहे. या दिवशी संध्याकाळी ७ वाजता अमावस्या सुरु होणार आहे. तर शेवट २५ जून रोजी दुपारी ४.०२ वाजता संपणार आहे. म्हणजेच २५ जूनला बुधवारी अमावस्या साजरी केली जाणार आहे. तुम्ही या दिवशी पितृ कर्माशी संबधित कामे करू शकता. यावेळी कामे देवाची कृपा मिळवण्यासाठी तसेच पुर्वज्यांचा आशिर्वाद मिळवण्यासाठी फायदेशीर ठरतील.

श्राद्ध अर्पण

आषाढ अमावस्या तिथी पितृकार्यासाठी अत्यंत शुभ मानली जाते. या दिवशी घरी तर्पण, पिंडदान आणि श्राद्ध केल्याने पितृदोश कमी होतो. तसेच पूर्वजांच्या आत्माला शांती मिळण्यासाठी तुम्ही पाणी अर्पण करू शकता. त्याने घरामध्ये शांती नांदते. वाद टाळले जातात.

पिंपळाच्या झाडाची पूजा

आषाढ अमावस्येला तुम्ही पिंपळाच्या झाडाखाली दिवा लावा. तसेच झाडाला पाणी अर्पण करून पुजा करावी. असे केल्याने आयुष्यात पुण्य मिळेल. तसेच घरात नकारात्मकता, आजारपणं, वाद, तंटा दूर होईल.

दान आणि उपवास

आषाढ अमावस्येच्या शुभ मुहूर्तावर उठून स्नान करणे पुण्याचे ठरेल. फक्त पाण्यात गंगाजल असावे. त्यानंतर तीळ, कपडे, जेवण, पैसे अशा गोष्टी दान कराव्यात. याने घरातील आर्थिक तंगी दूर होते आणि रोग, कर्ज, दारिद्यापासून मुक्ती मिळते.