Vastu Tips : वास्तूशास्त्रानुसार घरातील मंदिर बांधताना हे नियम लक्षात ठेवाच! कधीच येणार पैशांची अडचणी, नांदेल राहिल सुख-समृद्धी

Vastu Tips For Temple :

वास्तूशास्त्रानुसार प्रत्येक घरात मंदिर असते. ज्याची आपण नियमितपणे पूजा करतो. परंतु, वास्तूशास्त्रानुसार घरातील प्रत्येक गोष्टीचा परिणाम हा आपल्या आयुष्यावर परिणाम होतो. यामुळे सकारात्मक आणि नकारात्मक गोष्टींचा सामना करावा लागतो.

वास्तूशास्त्रानुसार (Vastu Tips) घरातील सगळ्यात पवित्र जागा ही मंदिर मानली जाते. त्यामुळे घरात मंदिर बांधताना काही गोष्टींची काळजी घेणे गरजेचे आहे. घरातील अनेक गोष्टींसाठी योग्य दिशा आणि नियम सांगण्यात आले आहे. त्यांचा अवलंब न केल्यास घरात नकारात्मकता येते. त्यामुळे घरातील मंदिरांशी संबंधित काही वास्तु नियमांचे (Rules) पालन करणे गरजेचे आहे.

1. मंदिर बांधताना या गोष्टी लक्षात ठेवा

• वास्तूशास्त्रानुसार घरामध्ये मंदिर (Temple) बनवताना त्याच्या दिशेकडे लक्ष देणे गरजेचे आहे. घराचे मंदिर नेहमी उत्तर किंवा उत्तर-पूर्व दिशेला बनवा. या दिशेला मंदिर बांधणे अधिक शुभ मानले जाते. यामुळे घरात सकारात्मक ऊर्जा येते.

• वास्तूशास्त्रानुसार दिशा तसेच मंदिराचे स्थान लक्षात ठेवा. शौचालयासमोर, पायऱ्यांखाली किंवा मेन गेट समोर कधीही मंदिर बांधू नका. हे अशुभ मानले जाते. यामुळे घरातील सदस्यांचे नुकसान होते.

• वास्तूशास्त्रानुसार मंदिराची पूजा करताना तुमचे तोंड नेहमी पूर्वेकडे असावे. पूर्वेकडे तोंड करुन पूजा केल्याने घरात सुख-समृद्धी येते आणि घरातील सदस्यांची प्रगती होते असे म्हटले जाते.

• पश्चिमेकडे तोंड करुन पूजा केल्याने संपत्ती वाढते. पूजा करताना कधीही दक्षिण दिशेला तोंड करुन बसू नका.

• मंदिरात पूजा करताना दिवा दक्षिण दिशेला लावू नका. दक्षिण दिशा ही यमाची दिशा मानली जाते.

टीप : येथे दिलेली माहिती धार्मिक मान्यता आणि गृहितकांवर आधारित आहे. साम टीव्ही त्याचे समर्थन करत नाही.