Type 2 Diabetes: हार्ट अटॅक टाळण्यासाठी टाइप २ डायबेटीजच्या रुग्णांनी टाळा या ४ सवयी, राहा हेल्दी अन् फीट

सध्याच्या बदलत्या लाइफस्टाइलमुळे अनेकांना कमी वयातच अनेक गंभीर समस्यांना सामोरं जावं लागतं. त्यामुळे खाण्यापिण्याच्या सवयीत खूप बदल करावे लागतात. नाहीतर तुम्हाला भविष्यात हार्ट अटॅकच्या समस्यांना सामोरं जावं लागतं. त्यात टाइप 2 डायबेटीज असलेल्या लोकांमध्ये हृदयविकाराचा धोका इतरांच्या तुलनेत जास्त असतो, असा इशारा तज्ज्ञ देतात.

एव्हरीडे हेल्थच्या अहवालानुसार, अमेरिकेतल्या ३० ते ६० वर्षांच्या मृत्यूचं प्रमुख कारण हृदयविकार आहे. जवळपास 7 लाखांहून जास्त लोकांचा मृत्यू हृदयाशी संबंधित आजारांमुळे झाला आहे. त्यामुळे डायबेटीज असलेल्या व्यक्तींनी हृदयाचे आरोग्य जपण्यासाठी काही महत्त्वाच्या सवयी फॉलो करणं अत्यावश्यक आहे.

तज्ज्ञांच्या मते, आहारात मीठाचं प्रमाण कमी ठेवणं ही पहिली आणि अत्यंत महत्त्वाची सवय आहे. जास्त सोडियममुळे रक्तदाब वाढतो आणि हृदयावर जास्त ताण येतो. त्यामुळे शक्यतो कमी मीठ असलेले पदार्थ, संपूर्ण गव्हाची भाकरी किंवा ब्रेड, ब्राऊन राईस यांचा आहारात समावेश करावा. तसेच ॲव्होकॅडो, मासे, नट बटर, टोफू यांसारख्या हेल्दी फॅट्स असलेले पदार्थ हृदयासाठी फायदेशीर ठरतात.

वजन नियंत्रणात ठेवण्यासाठी नियमित व्यायाम करणंही तितकेच गरजेचे आहे. वाढलेलं वजन हृदयावर ताण टाकतं. प्रौढांनी आठवड्याला किमान 150 मिनिटं मध्यम तीव्रतेचा किंवा 75 मिनिटे तीव्र व्यायाम करावा. दररोज चालणं, योगा, झुम्बा, जिम यांसारख्या सवयी लावल्या पाहिजेत. यासोबतच नियमित आरोग्य तपासणी करणं अत्यंत महत्त्वाचे आहे. रक्तदाब, रक्तातली साखर, कोलेस्टेरॉल आणि वजन यावर सातत्याने लक्ष ठेवल्याने हृदयाच्या आरोग्याबाबत वेळेवर माहिती मिळते. ओळखीचे डॉक्टर निवडणेही तितकेच आवश्यक आहे, कारण दुर्लक्ष केल्यास कमी वयातच स्ट्रोक, हृदयविकार किंवा दृष्टी कमी होण्यासारख्या गुंतागुंती उद्भवू शकतात.

टीप: हा लेख केवळ माहितीपुरता असून वैद्यकीय सल्ल्याचा पर्याय नाही. कोणतीही शंका किंवा आजार असल्यास तज्ज्ञ डॉक्टरांचा सल्ला घ्यावा.