Cancer In Children: लहान मुलांमध्ये कॅन्सरपूर्वी शरीराच्या 'या' भागात दिसतं पहिलं लक्षण, पालकांनी बदलांकडे लक्ष द्यावं

सध्या लाईफस्टाईल म्हणजेच जीवनशैली संबंधीत अनेक आजारांचं प्रमाण वाढल्याचं दिसून येतंय. यावेळी लहान मुलांमध्येही हे आजार पाहायला मिळतात. यातीलच एक आजार म्हणजे कॅन्सर. जर आपण मुलांमध्ये कॅन्सरच्या सुरुवातीच्या लक्षणांमध्ये शरीराच्या काही भागात असामान्य सूज येणं हे पहिले लक्षण असू शकते.

तज्ज्ञांच्या म्हणण्यानुसार, जर ही सूज सतत वाढत असेल तर ती चिंतेची बाब असू शकते. साधारणपणे ही सूज चेहरा, ओटीपोटात, बगल किंवा घशावर दिसू शकते. याव्यतिरिक्त, काही प्रकरणांमध्ये, मुलांचे लिम्फ नोड्स देखील सूजतात. त्यामुळे पालकांनी मुलांमध्ये दिसून येणाऱ्या या लक्षणांकडे वेळीच लक्ष देणं गरजेचं आहे.

लहान मुलांमध्ये कॅन्सरची काय लक्षणं दिसून येतात?

• मुलांची वाढ अचानक थांबणं.

• शरीराच्या कोणत्याही भागात असामान्य सूज येणं.

• चेहरा, ओटीपोट, बगल किंवा घशात गाठ तयार होणं.

• अॅनिमिया आणि सतत अशक्तपणा जाणवणं.

• मुलाला भूक न लागणं आणि तो चिडचिडा होतो.

• लिम्फोमा कॅन्सरमध्ये सतत ताप येतो.

• वेगाने वजन कमी होणं

मुलांमध्ये कॅन्सरची ही लक्षणं लवकर ओळखून त्यावर योग्य वेळी उपचार करणं अत्यंत गरजेचं आहे. आपल्याला कोणतीही असामान्य सूज, अशक्तपणा, ताप किंवा वजन कमी झाल्याचं दिसल्यास ताबडतोब डॉक्टरांशी संपर्क साधा. यावेळी वेळीच निदान करून योग्य उपचार करून कॅन्सरवर मात करता येऊ शकते. पालकांनी मुलांच्या आरोग्याकडे विशेष लक्ष द्यावे आणि कोणतीही लक्षण इग्नोर करू नयेत.

डिस्क्लेमर : वरील माहिती आम्ही फक्त वाचक-प्रेक्षकांना देत आहोत. आम्ही याचं समर्थन अथवा दावा करत नाही. कोणतेही उपचार, डाएट आणि औषधं तज्ज्ञांच्या सल्ल्यानंच घ्यावीत