Cholesterol symptoms on face: शरीरात कोलेस्ट्रॉल वाढल्यावर चेहऱ्यावर दिसून येतात हे ५ प्रमुख बदल; वेळीच ओळखा लक्षणं

आजकाल बदलती लाईफस्टाईल आणि अनहेल्दी आहारामुळे अनेक समस्या आपल्या मागे लागतात. यापैकी एक म्हणजे हाय कोलेस्ट्रॉल. सध्याच्या काळात हाय कोलेस्ट्रॉल ही समस्या अगदी सामान्य मानली जातेय. मात्र ही समस्या दीर्घकाळ तुमच्या शरीरात कोणतंही लक्षणं न दिसता राहू शकते. मात्र याची काही लक्षणं तुमच्या चेहऱ्यावर दिसून येतात.

कोलेस्ट्रॉलच्या संकेतांकडे दुर्लक्ष करणं धोकादायक असू शकतं. या समस्येवर वेळेत लक्ष देणं गरजेचं आहे. कारण यामुळे तुमचा अनेक आजारांपासून बचाव होण्यास मदत होते. याशिवाय तुमचं शरीरही निरोगी राहतं. जाणून घेऊया हाय कोलेस्ट्रॉलचे कोणते संकेत तुमच्या चेहऱ्यावर दिसून येतात.

डोळ्यांच्या भोवती पिवळे डाग दिसणं

जर तुम्हाला तुमच्या डोळ्यांच्या किंवा पापण्यांच्या कडांभोवती लहान पिवळे डाग दिसू लागले तर ते उच्च कोलेस्ट्रॉलचं लक्षण असू शकतं. त्यांना झेंथेलास्मा म्हटलं जातं. हे त्वचेखाली कोलेस्ट्रॉल जमा झाल्याचं लक्षणं असतं.

चेहऱ्यावर सतत पुरळ येणं

तेलकट त्वचा आणि ब्लॉकेजेसमुळे, उच्च कोलेस्ट्रॉलच्या रुग्णांमध्ये वारंवार चेहऱ्यावर पुरळ येऊ शकतात. हे शरीरात फॅट जमा झाल्याचं लक्षण आहे.

चेहरा तेलकट होणं

जर तुमचा चेहरा जास्त तेलकट दिसत असेल तर सावध व्हा. याचं कारण म्हणजे ते तुमच्या रक्तातील फॅटच्या पातळीत वाढ झाल्याचं लक्षण असू शकतं.

कॉर्नियाभोवतीचा रंग बदलणं

हाय कोलेस्ट्रॉलमुळे कॉर्नियाभोवती पांढरा किंवा ग्रे रंगाचा थर जमा होण्याची शक्यता असते. हे सहसा वयानुसार होते, परंतु तरुणांमध्ये कोलेस्ट्रॉल वाढण्याचं हे लक्षण आहे.

चेहऱ्यावर सूज येणं

जर तुमचा चेहरा सकाळी उठल्यावर सूजत असेल तर ते वाढलेल्या कोलेस्ट्रॉलचं एक लक्षण असू शकतं. डोळ्यांच्या खाली ही सूज जास्त प्रमाणात दिसून येते.

कोणती खबरदारी घ्यावी?

• तेलकट किंवा जंक फूडचं प्रमाण कमी करावं

• दररोज ३० मिनिटं व्यायाम करा

• फायबरयुक्त आहार घ्या

• स्मोकिंग आणि अल्कोहोल टाळा

• नियमित पद्धतीने लिपीड टेस्ट करून घ्या

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.