Health Care Tips : सर्दी-खोकला झालाय? ही ७ फळं खाणं आताच बंद करा, अन्यथा..

शरीराची रोगप्रतिकारशक्ती राखण्यासाठी फळे उत्तम स्त्रोत ठरतात. फळांमध्ये अनेक जीवनसत्त्वे आणि अँटीऑक्सिडंट्स असतात. डॉक्टरसुद्धा रूग्णाला भरपूर फळे खाण्याचा सल्ला देतात. पण प्रत्येक परिस्थितीत फळांचे सेवन फायदेशीर ठरत नाही. सर्दी-खोकल्यादरम्यान काही फळे तुमच्या शरीराला पुरक ठरत नाहीत यामुळे चुकिच्या वेळी चुकिच्या फळांचे सेवन केल्यास ते समस्या वाढवू शकतात. जाणून घेऊया सविस्तर माहिती.

लिंबूवर्गीय फळे जसे कि, संत्री, द्राक्षे आणि लिंबू यांसारख्या फळांमध्ये आम्लता असते. सर्दी-खोकला असताना अशा फळांचे सेवन केल्यास घशाला जळजळ होऊ शकते आणि खोकला वाढू शकतो. अननसामध्ये ब्रोमेलेन नावाचे एंजाइम असते, जे कफ वाढवण्यास कारणीभूत ठरते. यामुळे सर्दी-खोकला बरा होण्यास वेळ लागू शकतो. तसेच यावेळी द्राक्षे खाणेही टाळले पाहीजे. ते पौष्टिक असले तरीही त्यात साखरेचे प्रमाण जास्त असू शकते जे घशाची जळजळ वाढवते.

केळी हे शरीराच्या आरोग्यासाठी उत्तम आणि पौष्टिक फळ मानले जाते. परंतु केळी देखील कफचे प्रमाण वाढवण्यास कारणीभूत ठरते. विशेषत : तुम्हाला दुग्धजन्य पदार्थांची ऍलर्जी असल्यास सर्दीच्या वेळी केळींचे सेवन टाळणे योग्य राहील. टरबूज हे एक हाटड्रेटिंग फळ असले तरी ते थंड गुणधर्माचे फळ आहे. ज्यामुळे सर्दी-खोकल्या दरम्यान टरबूजाचे सेवन केल्यास ते शरीराच्या तापमानात असंतुलन निर्माण करते. ज्यामुळे आजार बरा होण्यास विलंब होऊ शकतो.

स्ट्रोबेरी हे फळ सर्वांनाच आवडते. पण तुम्हाला सर्दी-खोकला असेल तर स्ट्रोबेरी खाणे शक्यतो टाळावे. स्ट्रोबेरीमुळे कफ वाढू शकतो. उसाचा रस आपल्या शरीराला थंडावा देतो. म्हणून अशावेळी उस खाणे किंवा उसाचा रस पिणे टाळावे. शिवाय पेरू हे फळ देखील कफ वाढवण्यास कारणीभूत ठरते. एकुणच कफ झाल्यास सायट्रीक अॅसिड असलेली फळे खाणं टाळावं. तसेच लक्षणं अतिप्रमाणात दिसू लागल्यास वेळीस डॉक्टरांचा सल्ला घेणे आवश्यक आहे.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.