Stress And Diabetes: अधिकच्या तणावामुळे जडू शकतो मधुमेहाचा विकार, कशी कराल यावर मात?

Does stress and anxiety affect blood sugar :

बैठी जीवनशैली, कामाच्या पद्धती, कमी झोप आणि अधिकचा ताण यामुळे आपल्या आरोग्यावर परिणाम होतो. सततचा ताण घेतल्याने आपण अनेक गंभीर आजारांना बळी पडू शकतो.

संशोधनातून असे दिसून आले आहे की, तणाव (Stress) रक्तातील साखरेवर (Sugar) परिणाम करतो. त्यामुळे आपल्याला मधुमेहाचा (Diabetes) आजार जडू शकतो. जर तुम्ही देखील अधिकचा ताण घेत असाल तर वेळीच थांबा, यावर मात कशी कराल जाणून घेऊया.

1. तणाव आणि मधुमेह

अधिक स्ट्रेस घेतल्यामुळे शरीरात कॉर्टिसॉल नावाचा हार्मोन बाहेर पडतो. हे रसायन ग्लुकोज वाढवण्यास जबाबदार आहे. जे मधुमेहाच्या रुग्णांसाठी चांगले नसते. त्यामुळे ताण घेणे टाळा.

2. तणावावर मात कशी कराल?

1. ध्यान

मधुमेह असणाऱ्या व्यक्तींनी ताण कमी करण्यासाठी नियमित व्यायाम आणि ध्यान केले तर इन्सुलिन घेण्याची गरज नाही. तसेच योगासने आणि प्राणायम करुन मधुमेही रुग्ण स्वत:ला निरोगी ठेवू शकता.

2. स्वत:ची काळजी

तणावामुळे वाढणारी रक्तातील साखरेची पातळी नियंत्रित राहाणे कठीण होते. परंतु, स्वत:ची काळजी घेणे गरजेचे आहे. तणावाव्यतिरिक्त इतर गोष्टींमुळे देखील रक्तातील साखरेची पातळी वाढते. यासाठी आहारातील कार्बोहायड्रेट्सचे प्रमाण कमी करुन, पुरेशी झोप आणि व्यायाम करुन अनेक आजारांवर मात मिळवता येते.

3. स्वत:ला व्यस्त ठेवा

आपल्याला रिकामा वेळ मिळाला की, आपण अतिविचार करु लागतो. त्यामुळे अधिकचा ताण येतो. यासाठी तुम्हाला आनंद मिळेल या गोष्टी करा. तुम्ही बाहेर फिरायला जा, स्वत:ला व्यस्त ठेवा, मित्रांसोबत वेळ घालवा. ज्यामुळे तुम्ही व्यस्त राहाल आणि तणावावर मात कराल.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.