Hair Care Tips : केस राठ झाले आहेत? नारळाचे तेल आणि कोरफडपासून बनवा घरच्या घरी हे नैसर्गिक हेअर सीरम

आपल्या सर्वांनाच शायनी आणि हेल्दी केस हवे असतात. कामाच्या व्यस्थतेमुळे हेअर केअर करण्यासाठी पुरेसा वेळ मिळत नाही. अशात पार्लरमध्ये जाऊन हेअर केअर करायचे म्हटले तर, काहीवेळा ते परवडणारे नसते. अनेक स्त्रिया महागडे हेअर प्रोडक्ट्स वापरत असतात. त्यामध्ये वापरल्या जाणाऱ्या केमिकल्समुळे केसांना नुकसान पोहोचण्याची शक्यता असते. पण आता काळजी करण्याची गरज नाही. यापासून वाचण्यासाठी तुम्ही अगदी सोप्या पद्धतीने घरच्या घरी नैसर्गिक हेअर सीरम बनवू शकता.

केसांची निगा राखण्यासाठी नारळाचे तेल आणि कोरफड हे सर्वोत्तम पर्याय मानले जातात. नारळाचे तेल केसांच्या खोलवर जाऊन केसांना मॉईश्चराईज करते. तसेच केसांच्या मुळांमध्ये चांगल्या प्रकारे मुरते आणि मुळांमध्ये असलेले नैसर्गिक तेल टिकवून ठेवते. तसेच कोरफडमध्ये थंड गुणधर्म असतात. जे टाळूवर होणारी जळजळ शांत करतात. शिवाय केसांना हायड्रेशन मिळवून देतात आणि केस अधिक शायनी आणि मऊ बनवतात. या दोन्ही पदार्थांमध्ये असलेले अँटीफंगल गुणधर्म केसात कोंडा होण्यापासून रोखतात.

हे नैसर्गिक हेअर सीरम कसे बनवाल?

१. एक हवा बंद लहान डबी किंवा बाटली घ्या.

२. त्यात दोन चमचे नारळाचे शुद्ध तेल घ्या.

३. दोन चमचे कोरफड ताजा अर्क किंवा जेल घ्या.

४. चांगल्या प्रकारे एकजीव करा. हेउर सीरम तयार आहे.

कसे वापराल?

१. हे हेअर सीरम केस धुवून झाल्यानंर वापरू शकता.

२. केस पूसुन घ्या.

३.थोडे सीरम केसांच्या मध्यभागापासून शेवटपर्यंत लावा.

४. मोठ्या आणि जाड दातांच्या फणीने केस विंचरा.