Tiles Cleaning Tips : घरातील फरशी कळकट झालीये? सोप्या ट्रिक्स वापरा, नव्या फरशीसारखी चमकेल

अनेक जण घर स्वच्छ ठेवायचा प्रयत्न करत असतात. यासाठी आठवड्यातून एकदा नवनव्या युक्त्या करत घर स्वच्छ ठेवत असतात. अनेक जण घरातील पंखे स्वच्छ करणे किंवा घरातील वस्तूंची साफसफाई करतात. त्यावेळी घरातील फरशी खराब होते. खराब झालेल्या फरशीवरील डाग लवकर स्वच्छ होत नाही. त्यासाठी काही ट्रिक्स वापरून फरशी स्वच्छ करता येईल.

१) लादी पुसण्यासाठी नेहमीप्रमाणे फिनाईल आणि डिटर्जेंट घालून लादी पुसा. त्यानंतरही लादी व्यवस्थित दिसत नसेल तर इतर उपाय करू शकतात. फरशीवर ग्रीसचे डाग लागले असतील. तर डाग काढून टाकण्यासाठी कार्बोनेट सोडा आणि गरम पाण्याचे मिश्रण घ्या. तुम्ही या मिश्रणात सर्फ देखील मिसळू शकतो. मिश्रण फरशीवर लावल्यास जमिनीवर लागलेले ग्रीसचे डाग लगेच निघून जातील.

२) लादी पुसण्याचं कापड हायड्रोजन पेरोक्साईडमध्ये मिसळा. त्यानंतर डाग लागलेल्या फरशीवर कपड्याने रगडून स्वच्छ करा. फरशी स्वच्छ केल्यानंतर कपडा पाण्याने स्वच्छ करा. स्वच्छ केल्यानंतरही फरशीवर डाग असेल तर त्यासाठी ऑक्सिजन बेस्ड क्लिनरचा वापर करा. ऑक्सिजन बेस्ड क्लिनर हे डाग असलेल्या फरशीवर लावून ब्रश करा. पुढे १५ मिनिटांनी पाणयाने धुवून स्वच्छ करा.

३) फरशीवर लागलेले डाग काढून टाकण्यासाठी बोरोक्सचा वापर करता येईल. दोन चमचे बोरेक्स पावडर ही ४ लिटर पाण्यात मिसळा. या मिश्रणाने फरशी आणि टाईल्स स्वच्छ करा. तसेच डाग असलेल्या फरशीवर बोरेक्स पावडर लावून डाग स्वच्छ करा. बोरेक्स पावडरच्या वापरामुळे डाग कमी होण्यास मदत होईल. (Tiles Cleaning Tips in Marathi)