Shri Krishna Janmashtami 2023 : जन्माष्टमीला या पद्धतीने करा बाळ गोपाळांची पूजा, नियमांचे पालन केल्यास श्रीकृष्ण होईल प्रसन्न

Janmashtami Puja 2023 : श्रावण महिना सुरु झाला की, सणांची रांगच लागते. अगदी लहान मुलांपासून मोठ्यापर्यंत प्रत्येकाला आवडणारा सण श्रीकृष्ण जयंती. श्रावणातील तिसरा आणि अगदी महत्त्वाचा सण जन्माष्टमी.

श्रावण महिन्यात येणाऱ्या कृष्ण पक्षातील अष्टमीला श्रीकृष्ण जयंती साजरी केली जाते. यादिवशी बाळकृष्णाची विशेष पूजा केली जाते. यंदा हा उत्सव ६ सप्टेंबर रोजी साजरा केला जाणार आहे. या सणाला धार्मिक आणि सांस्कृतिक महत्त्व देखील आहे. लाडू गोपाळाच्या पूजेचे काही खास नियम आहेत, ज्याचे पालन केल्यास श्रीकृष्णाची कृपा होते.

1. जन्माष्टमी 2023 तारीख

• श्रावण कृष्ण  जन्माष्टमी  (Janmashtami) तारीख - 06 सप्टेंबर 2023, दुपारी 03.37 वाजता

• श्रावण कृष्ण अष्टमी तिथी समाप्त - ०७ सप्टेंबर २०२३, दुपारी ०४.१४

1. श्रीकृष्णाची पूजा कशी कराल?

• जन्माष्टमीच्या व्रताच्या दिवशी सकाळी लवकर उठून स्नान करावे.

• यानंतर स्वच्छ वस्त्र परिधान करून घराच्या मंदिरात दिवा लावा आणि सर्व देवी-देवतांची पूजा (Puja) करा.

• त्यानंतर लड्डू गोपाळाचा जलाभिषेक करा आणि नंतर अगरबत्ती लावून भोग अर्पण करा.

• जन्माष्टमीला रात्रीच्या पूजेला विशेष महत्त्व असते. कारण भगवान श्रीकृष्णाचा जन्म हा मध्यरात्री झाला होता.

• या दिवशी पूजेसाठी श्रीकृष्णासाठी पाळणा सजवा. यानंतर श्रीकृष्णाला पंचामृत किंवा गंगाजलने अभिषेक करा

• या दिवशी श्रीकृष्णाला (Shri krishna) बासरी, मोरपंखी, हार, कानातले, पायल, तुळशीची माळ इत्यादींनी सजवले जाते.

• यासोबतच पूजेच्या वेळी लोणी, मिठाई, सुका मेवा, साखर कँडी आणि कोथिंबीर अर्पण केली जाते.

टीप : येथे दिलेली माहिती धार्मिक मान्यता आणि गृहितकांवर आधारित आहे. साम टीव्ही त्याचे समर्थन करत नाही.