Shravan Recipe 2023 : उपवासात हेल्दी-टेस्टी पदार्थ ट्राय करायचा आहे? झटपट बनवा राजगिऱ्याचे अप्पे, पाहा रेसिपी

Upvasache Rajgiryache Appe in Marathi :

उपवास म्हटलं की, नेमके आपल्याला त्यादिवशी अतिप्रमाणात भूकही लागते व हेल्दी- टेस्टी पदार्थ खाण्याची इच्छा होते. श्रावण म्हटलं की, या महिन्यात अनेकांचे उपवास असतात. पण उपवासाला तेच तेच पदार्थ खाऊन आपल्या सगळ्यांना कंटाळा येतो.

पण जर तुम्हाला हेल्दी व टेस्टी अशा पदार्थांची चव चाखायची असेल तर तुम्ही हा पदार्थ ट्राय करु शकता. बरेचदा उपवास केल्यामुळे आपल्या डोकेदुखी किंवा अपचनाच्या समस्येला सामोरे जावे लागते, पण जर तुम्ही राजगिऱ्याचे अप्पे ट्राय केले तर अॅसिडीटीच्या समस्यांपासून वाचू शकता. कसे बनवायचे पाहूया

1. साहित्य

• बटाटे (Potatoes)- २

• जिरे - १/२ चमचा

• हिरव्या मिरच्या - ५

• दही (Curd) - २ चमचे

• राजगिरा पीठ - १ वाटी

• मीठ - चवीनुसार

2. कृती

• अप्पे बनवण्यासाठी सर्वप्रथम बटाटे उकडून घ्या. थंड झाल्यानंतर ते व्यवस्थितपणे स्मॅश करा.

• यानंतर राजगिऱ्याचे पीठ चाळून घ्या. त्यात मॅश केलेला बटाटे, जिरे, मीठ, बारीक चिरलेली हिरवी मिरची व २ चमचे दही घालून चांगले मिक्स करा व पाणी (Water) घालून बॅटर तयार करा.

• त्यानंतर पीठात चिमुटभर बेकिंग सोडा घाला १० मिनिटे झाकून ठेवा.

• अप्पे पात्र गरम करुन त्याला तूप लावून घ्या. ग्रीस करुन झाल्यानंतर त्यात तयार बॅटर टाका. अप्पे तयार झाल्यानंतर दहीसोबत खा.