Cold vs hot water: थंड पाणी की गरम पाणी प्यावं? आरोग्यासाठी नेमकं काय आणि किती फायदेशीर? वाचा

प्रत्येक सजीवाला पाण्याची आवश्यकता असते. मानवी शरीराला हायड्रेट ठेवण्यासाठी पाण्याची गरज असते आणि यामुळे पचनास मदत होते. मात्र अनेकांच्या मनात एक प्रश्न असतो तो म्हणजे पाणी गरम प्यावं की थंड? तज्ज्ञांच्या म्हणण्यानुसार, दोन्ही पाण्याचे वेगळे फायदे आहेत.

गरम पाणी पिण्याचे फायदे

गरम पाणी (साधारण 120°F ते 140°F) आयुर्वेद आणि चिनी औषधशास्त्रासारख्या पारंपरिक आरोग्य पद्धतींमध्ये वापरण्यात येतं. सकाळी गरम पाणी प्यायल्यामुळे तुमची पचनसंस्था एक्टिव्ह होण्यास मदत होऊन शरीरातील टॉक्सिन पदार्थ बाहेर टाकण्यास मदत होते.

पचनास मदत करतं पाणी

गरम पाणी अन्नाचं पचन होतं योग्य पद्धतीने होतं. यामुळे पचनसंस्था योग्य पद्धतीने काम करतं. नियमित पाणी प्यायल्याने बद्धकोष्ठता कमी होते आणि पोट फुगण्याचा त्रासही कमी होतो.

शरीर डिटॉक्स होण्यास मदत

गरम पाणी शरीराचं तापमान वाढवतं. ज्यामुळे घाम येतो आणि टॉक्सिन पदार्थ बाहेर टाकण्यास मदत होते. शिवाय गरम पाणी प्यायल्याने रक्ताभिसरण सुधारतं.

नाक बंद होण्याचा त्रास होतो कमी

गरम पाण्याची वाफ घेतल्याने किंवा हळूहळू पाणी प्यायल्याने नाकातील अडथळा कमी होण्यास मदत होते. यामुळे घसा दुखणं कमी होतं. सर्दी-खोकल्याच्या सिझनमध्ये हा उपाय उपयुक्त ठरतो.

थंड पाणी पिण्याचे फायदे

उन्हाळ्याच्या दिवसात थंड पाणी प्यायल्याने तुम्हाला फ्रेश वाटू लागतं. काही लोकांना असं वाटतं की, ते शरीरासाठी योग्य नाही. पण मर्यादित प्रमाणात थंड पाणी पिण्याचे फायदे मोठे आहेत.

उर्जा वाढण्यास मदत

थंड पाणी इंद्रियांना उत्तेजित करण्यास आणि ऊर्जा वाढवण्यास मदत होते. सकाळी किंवा व्यायामानंतर हे उपयुक्त ठरते.

व्यायामानंतर गरजेचं थंड पाणी

थंड पाणी शरीराचं तापमान नियंत्रित करण्यास मदत करतं. शिवाय यामुळे डिहायड्रेशनचा त्रास कमी होतो.

वजन कमी होण्यास मदत

थंड पाणी प्यायल्याने शरीरात हीट निर्माण होण्यास मदत होते. असं झाल्याने काहीशा प्रमाणात कॅलरी बर्न होतात.

थंड पाणी कधी प्यायलं पाहिजे?

व्यायामानंतर, गरम हवामानात किंवा शरीरात हीट निर्माण करण्यासाठी थंड पाणी प्यायलं पाहिजे.

कोणतं पाणी आरोग्यासाठी चांगलं?

• गरम आणि थंड पाणी दोन्हीचे फायदे आहेत. निवड शरीराच्या गरजेनुसार आणि परिस्थितीनुसार करावी.

• गरम पाणी- पचन, डिटॉक्स आणि आरामासाठी गरम पाणी प्यावं.

• थंड पाणी- जलद हायड्रेशन, ऊर्जा आणि शरीर थंड करण्यासाठी थंड पाणी प्यावं.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.