आरती इंगळे, साम टीव्ही
मुंबई : कोणतही नातं घट्ट ठेवण्यासाठी त्यात प्रेम असणे खूप गरजेचे असते. तुमच्या नात्यात आदर नसेल, तर त्या नात्याला काहीच किंमत नाही. एकमेकांसोबत दीर्घकाळ राहिल्यानंतर जोडपे एकमेकांना कमी लेखू लागतात. याच सर्व प्रकारामुळे नात्यात दुरावा निर्माण होतो.
वाईट काळात एकमेकांच्या पाठिशी उभे राहून तुम्ही तुमच्या नात्याचा पाया मजबूत करू शकतात. आपण जास्त काळ बळजबरी किंवा ओढून ताणून कोणतेही नाते टिकवू शकत नाही. रिलेशनशिपमध्ये दोन माणसे एकत्र असतात. त्यामुळे दोघांच्या आवडी-निवडी आणि दोघांची मते ही वेगळी असतात. कोणत्याही रिलेशनशिपमध्ये तडजोड ही करावीच लागते.
नात्यात सन्मान मिळत नसेल तर समोरच्या व्यक्तीशी याबद्दल बोलले पाहिजे. गैरसमज न करता एखाद्या विषयावर बोला ज्याने तुमच्या नात्यात दुरावा निर्माण होणार नाही. जर तुमचे सुद्धा जोडीदारासोबत रोज भांडण होत असेल तर तुमचे नाते मजबूत करण्यासाठी आम्ही काही टिप्स सांगत आहोत. या टिप्स फॉलो करून तुम्ही तुमचे नाते अजून घट्ट करू शकतात आणि दररोजच्या भांडणांपासून दूर होऊ शकतात.
नात्यात आनंदी राहण्यासाठी एकमेकांना वेळ देणे गरजेचे आहे. एकत्र वेळ घालवा, एकत्र चित्रपट पहा, एकत्र जेवायला जा, यामुळे तुमचे नाते आणखी घट्ट होईल आणि संवाद वाढेल.
नात्यात संशय घेतल्याने दुरावा निर्माण होतो. तुमच्या जोडीदारावर विश्वास ठेवा. यामुळे तुमच्या जोडीदाराला आपलेपणाची जाणीव होईल.
नात्यात अशा अनेक गोष्टी असतात ज्या तुम्ही समजून घेणे गरजेचे असते. गैरसमजामुळे अनेक नाती उध्वस्त होतात. त्यामुळे छोट्या छोट्या गोष्टींवर बोला आणि महत्वाचं म्हणजे जोडीदाराचे म्हणणे आणि मत ऐकून घ्या.
नात्यात चुका मान्य केल्याने अनेक भांडणे मिटतात. तुमच्या जोडीदाराला समजून घ्या त्यांना भावनिक साथ द्या. यामुळे तुमचे नाते अधिक मजबूत होईल.
नात्यात अपेक्षा न ठेवल्याने आपल्याला मानसिक त्रास होत नाही. नात्यात गोडवा आणि प्रेम टिकवून ठेवण्यासाठी अपेक्षा न ठेवत प्रेम करणे गरजेचे आहे.
७) एकमेकांना मोकळीक द्या -
नात्यात एकमेकांना मोकळीक देणे फार महत्त्वाचे आहे. प्रत्येकाला त्याचा वैयक्तिक स्पेस देणे नात्यात होणारी भांडणे कमी करेल शिवाय दोघांचाही एकमेकांवरचा विश्वास वाढेल.
तुमच्या नात्यात प्रेमाची जागा संशय घेत असेल तर ती तुमच्या नात्याचा पाया आतून पोकळ करत आहे हे समजून घेत एकमेकांवर विश्वास ठेवणे गरजेचे आहे. त्यामुळे वरील 7 गोष्टी तुम्ही तुमच्या नात्यात अवलंबल्या तर तुमचे नाते निश्चितच 100 टक्के परफेक्ट होईल.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.