तुमच्या भावना व्यक्त करणे सोपे नसते, खासकरून जेव्हा तुमच्या मनात एखाद्याबद्दल काही विशेष भावना असते. आपल्या भावना समोरील व्यक्तीला सांगण्याच्या किंवा त्याच्यासमोर व्यक्त करण्याची एक पद्धत असते. त्याप्रमाणे तुम्ही तुमच्या मनातील भावना सांगितल्यानंतर समोरील व्यक्ती तुमच्यावर कधीच रागवत नाही. पण कधी-कधी आपण अतिविचार करत असतो, त्यामुळे मनातील भावना सांगणं कठीण होऊन जातं. पण प्रत्यक्षात व्यक्त होणं हे काही आव्हानात्मक काम नाही. हो, भावना सहजपणे तुम्ही समोरील व्यक्तीला सांगू शकतात, त्यासाठी काही गोष्टी लक्षात ठेवाव्या लागतील.
अनेकदा लोक योग्य वेळेची वाट पाहत असतात, पण योग्य वेळ कधीच येत नाही. तुम्हाला तुमच्या भावना कोणाशी तरी शेअर करायच्या असतील तर उशीर करू नका. समोरील व्यक्तीला तुमच्या मनात त्याच्याविषयी काय भावना आहेत, हे सांगण्यासाठी एक शांत आणि खासगी जागा निवडा. तेथे त्यांना शांतपणे तुमच्या मनातील भावना सांगा.
तुमच्या भावना व्यक्त करण्यापूर्वी खूप विचार केल्याने तुम्हाला शंका येऊ शकते. तुमच्या मनाचे ऐका आणि तुमच्या मनाचे बोला. आपले मत स्पष्टपणे आणि आदराने व्यक्त करणे महत्वाचं आहे. त्यामुळे जास्त विचार करत बसल्याने हातातील संधी निघून जाईल. तुमच्या मनात जे काही ते स्पष्ट आणि बेधडकपणे बोला.
तुम्ही तुमच्या मनातील भावना सांगितल्यानंतर समोरील व्यक्ती रागवेल किंवा ती व्यक्ती हो म्हणणार नाही. नाही म्हणेल मग काय करायचं अशा विचाराने आपण आपल्या मनात अपेक्षा वाढवत असतो. त्यामुळे मनात अपेक्षांचा बोझ वाढवू नका.
तुमच्या भावना व्यक्त करताना समोरच्याला दोष देऊ नका. तुमच्या भावना "मी" शब्दात व्यक्त करा. उदाहरणार्थ, "मला असे वाटते..." ऐवजी " तुमच्या त्या गोष्टीमुळे मला असं वाटत आहे, असं म्हणणे चुकीचे आहे.
तुमच्या भावना व्यक्त करताना समोरच्या व्यक्तीवर दबाव आणू नका. त्यांना प्रतिसाद देण्यासाठी वेळ द्या. जर ते तयार नसतील तर त्यांना वेळ द्या आणि त्याचा आदर करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.