Pitru Paksha 2025 : पितृपक्ष ७ सप्टेंबरपासून सुरू, या 4 राशींनी वेळीच जाणून घ्या उपाय; अन्यथा...

यंदाच्या वर्षी पितृपक्ष ७ सप्टेंबर २०२५ पासून सुरू होऊन ३१ सप्टेंबरपर्यंत असणार आहे. पितृपक्ष हा आपल्या पूर्वजांप्रती कृतज्ञता व्यक्त करण्याचा आणि त्यांच्यासाठी प्रार्थना करण्याचा खास काळ मानला जातो. या कालावधीत ५ राशींवर वेगवेगळ्या प्रकारचे परिणाम दिसून येणार आहेत. पुढे आपण त्याबद्दल जाणून घेणार आहोत.

मेष राशीच्या व्यक्तींवर या काळात जबाबदाऱ्या वाढताना दिसतील. त्यांना आपल्या निर्णयांमध्ये विशेष काळजी घ्यावी लागेल. त्यामुळे मंगळवारी हनुमान चालीसाचे पठण न चुकता करुन घ्या. तुम्ही पूर्वजांना लाल फुलं अर्पण करु शकता. हे अत्यंत शुभ मानले जाईल.

वृषभ राशीच्या लोकांसाठी हा काळ आर्थिक चढ-उतार घेऊन येऊ शकतो. कुटुंबात जुन्या गोष्टींवर चर्चा होण्याची शक्यता आहे. या राशीच्या लोकांनी पांढरे तीळ वापरणे आणि घरातील वडीलधाऱ्यांचे आशीर्वाद घेणे हे लाभदायी ठरेल.

मिथुन राशीच्या व्यक्तींना कामात अडथळे येऊ शकतात आणि मानसिक ताण जाणवू शकतो. त्यामुळे त्यांनी शांत राहून काम करणे गरजेचे आहे. या दिवसांमध्ये तुम्ही हरभरा हिरव्या भाज्यांचे दान करावे. तसेच पूर्वजांना तुळशीची पाने अर्पण करावीत. हे अत्यंत शुभ मानले जाईल.

कर्क राशीच्या लोकांसाठी पितृपक्षाच्या दिवसांत कौटुंबिक वातावरण गोड राहील, मात्र पैशांचा खर्च जास्त होऊ शकतो. अशा वेळी सोमवारी शिवलिंगावर दूध अर्पण करणे आणि कावळ्यांना अन्न घालणे हे शुभ फलदायी ठरेल.

या वर्षीचा पितृपक्ष प्रत्येक राशीसाठी काही वेगळे अनुभव घेऊन येणार आहे. श्रद्धा आणि योग्य उपाय यांच्या माध्यमातून या काळात सकारात्मक परिणाम मिळवता येतील.