पालकांनो! मासिक पाळीविषयी मुलींशी बोलतात पण मुलांशी बोलता का? कशी द्याल माहिती

मासिकपाळी हा मुलीसाठी खूप महत्वाचा विषय आहे. मासिकपाळी या विषयावर बोलतांना पालकांनी मुलांना सुद्धा माहिती सांगणे महत्त्वाचे आहे. बदलत्या वातावरणामुळे आणि पारंपारिक पद्धती मागे सोडून लोकांचा मासिकपाळीकडे बघण्याचा दृष्टीकोन हा बदलत चालला आहे. परंतु मुलांना या संदर्भात अधिक माहिती नसते. मुलं मोठी होत असताना त्यांना मासिक पाळी म्हणजे काय याबद्दल माहितीच नसते. त्यामुळे मुलांचा पाळीकडे बघण्याचा दृष्टिकोन चूकीचा ठरत असतो. मासिकपाळीचे अनेक गैरसमज आणि चुकीचे माहिती मुलांना असते. त्यामुळे मासिककाळात मुलं मुलींवर हसतात. त्यांची मस्करी करतात. यामुळे मासिकपाळी म्हणजे काय आणि त्या विषयी असलेले गैरसमज दूर करण्यासाठी मुलांना त्या विषयी माहिता देणे महत्त्वाचे ठरते.

मासिकपाळी म्हणजे काय

मुली वयाने मोठी होत असताना मुलीच्या शरीरात बदल घडत असतात. त्याचाच भाग म्हणजे मासिकपाळी होय. मुली वयात आल्यावर योनीमार्गातून दर महिन्यास जो रक्तस्त्राव होतो त्याला मासिकपाळी, असे म्हणतात. मुलगी साधारणपणे १२-१३ वर्षीची असताना मासिकपाळी सुरू होते.

मुलांमधील गैरसमज दूर करा

मासिकपाळीविषयी पालकांनी आपल्या मुलींसोबतच मुलांना माहिती देणं गरजेचे आहे. मासिकपाळीमध्ये मुलींना मोठ्या प्रमाणात रक्तस्त्राव होतो त्यामुळे मुली अशक्त होतात. अशा काळात तिला आरामाची नितात गरज असते. कधीकाळी मासिकपाळीची तारिख मागेपुढे झाल्याने अचानक शाळेत किंवा महाविद्यालयामध्ये तिला मासिकपाळी आल्याने मुलींना अडचणींना सामोरे जावे लागते. त्याचवेळी जर शाळेतील मुलांना समजलं की, मुलीलाल मासिक पाळी आली आहे. तर ते त्यावर विनोद करतात. परंतु जर पालकांनी मुलींप्रमाणे मुलांनाही याविषयी माहिती दिली तर ते त्या मुलीला मदत करू शकतात. मासिक पाळी हा कुठला आजार नसून मुलीच्या जीवनाचा अविभाज्य घटक आहे. हे माहिती असणे महत्त्वाचे ठरेल.

मासिकपाळी दरम्यान मुलींना अनेक वेदना होतात. जास्त रक्त स्राव असल्यास मुलींनी आराम केला पाहिजे. आजकालच्या चुकीच्या खाण्या पिण्याच्या सवयींमुळे मुलींमध्ये पीसीओडी ही समस्या अनेकदा दिसून येते. पिसीओडी या आजारामुळे मुलींना अनियमीत पाळी येते आणि यामुळे वजन वाढणे, लठ्ठपणा, अनेक शारीरीक आणि मानसीक आजार होण्याची शक्यता आहे. पिसीओडीचा त्रास असल्यास आहारात प्रोटीन आणि पोषक घटकांचा समावेश करा. तसेच नियमित व्यायम आणि योगा केल्यामुळे पाळी वेळेवर येऊ शकते.