Bitter Gourd Pickle : कडू कारल्यापासून बनवा आंबट गोड लोणचं; रेसिपी नक्की ट्राय करून बघा, बोट चाटत रहाल

कारल्याची भाजी खायला अनेकांना नाही आवडत. कारण त्यातील कडूपणा किती झाला तरी तोंडात येतोच. पण आपण हाच कडूपणा दूर करून कारल्याचा नवीन प्रकारे आस्वाद घेऊ शकतो. कारल्याचा कडूपणा घालवण्यासाठी तुम्ही चटपटीत कारल्याचं लोणचं बनवू शकतो. तुमच्या घरातील लोक हे लोणचं आवडीने खातील. जेवताना तोंडी लावण्यासाठी हा उत्तम पदार्थ आहे. कारल्यातील पोषक तत्व शरीरातील विषारी घटक बाहेर काढून टाकण्यास मदत करतात. तसेच कारल्याच्या सेवनाने रक्तातील साखरेची पातळी नियंत्रणात राहते.

घरी झटपट कारल्याचं लोणचं बनवण्यासाठी रेसिपी जाणून घ्या.

कारल्याचं लोणचं

साहित्य

• कारले

• मोहरीचे तेल

• मेथीचे दाणे

• मोहरी

• जिरे-धणे पावडर

• हळद

• तिखट-मीठ

• हिंग

• मीठ

• लिंबाचा रस

• हिरवी मिरची

कृती

कारल्याचं लोणचं तयार करण्यासाठी सर्वप्रथम कारल्यातील बिया काढून करल्याच्या बारीक फोडी करून घ्या. आता लोणच्याचा मसाला तयार करण्यासाठी पॅनमध्ये तेल गरम करा आणि त्यामध्ये मेथीचे दाणे, मोहरी, जिरे-धणे घालून छान परतून घ्या. हे भाजलेले मसाले थंड झाल्या‌वर मिक्सरमध्ये वाटून घ्या. आता एका बाऊलमध्ये कारल्याच्या फोडी, मीठ, हळद, तिखट, हिंग, लिंबाचा रस आणि सर्व मसाले घालून चांगले एकजीव करून घ्या. लोणच्याची चव आणखी वाढवण्यासाठी त्यामध्ये गूळ घाला. यामुळे लोणच्याला आंबट गोडपणा येईल. आता हे बनवलेले लोणचे एका काचेच्या बरणीत ठेवून ३ ते ४ दिवस सूर्यप्रकाशात ठेवा. काही दिवसानंतर गरमागरम पोळी सोबत याचा आस्वाद घ्या.