या वर्षी १० सप्टेंबरला जेष्ठा गौरी पुजन आहे. त्यामुळे घरात गौराईच्या आगमानाची लगबग सुरू आहे. एकीकडे काहींच्या घरी गणपती बाप्पा विराजमान झाले आहेत. तर दुसरीकडे घरोघरी गौराई येत आहेत. आज गौराई पुजन आणि आवाहनाचा शुभ मुहूर्त काय आहे? याची माहिती जाणून घेणार आहोत.
भाद्रपद शुद्ध सप्तमीला अनुराधा नक्षत्रामध्ये गौरीचे आवाहन होत असते. यंदा रात्री ८ वाजून २ मिनिटांपर्यंत चंद्र अनुराधा नक्षत्रामध्ये राहणार आहे. म्हणून आज रात्री ८.०२ पर्यंत ज्येष्ठा गौरी आगमनाचा शुभ मुहूर्त आहे. तसेच १२ सप्टेंबर गुरुवारी रात्री ९.५१ पर्यंत मूळ नक्षत्रावर गौरींच्या विसर्जनाचा मुहूर्त आहे.
गौराई घरी कधीच एकटी येत नाही. दोघी बहिणी एकत्र घरी येतात. गौरी म्हणजे गणपतीची आई आणि माता पार्वती, तसेच लक्ष्मी देवीची मोठी बहीण मानली जाते. त्यामुळे एकीला ज्येष्ठा आणि दुसरीला कनिष्ठा असं म्हटलं जातं.
३ दिवस आधीच गणपती बाप्पा आपल्या घरी विराजमान झाला आहे. त्यामुळे गौराई जणू काही गणरायाचा पाहुणचार व्यवस्थित होत आहे की नाही हे पाण्यासाठीच आली आहे असे वाटते. गौरी घरोघरी सप्तमीला येते. त्यानंतर अष्टमीला ती निघून जाते. तसेच नवमीला पुन्हा आपल्या घरी परतते.
गौराईला सुद्धा माहेरचे सुख मिळाले म्हणून घरोघरी तिचा पाहुणचार केला जातो. या दिवसांत गौरीला विविध सुंदर साड्या आणि दागिण्यांनी सजवले जाते. गौरीला खाण्यात जे काही आवडते ते सर्व पदार्थ नैवेद्यामध्ये ठेवले जातात. गौरीचा पाहुणचार करताना तिला कोणत्याही गोष्टीची कमी पडणार नाही याची पूर्ण काळजी घेतली जाते. ज्या घरात गौरी तृप्त होते, तेथे संपूर्ण वर्षभर भरभराट राहते असं म्हटलं जातं.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.