Tips To Save Cooking Gas : महिन्याभराच्या आत गॅसचा बाटला रिकामा होतोय ? या 5 सोप्या ट्रिक्सने करा बचत

Cooking Tips : वाढत्या महागाईच्या काळात गॅस सिलिंडरचे भाव गगनाला भिडले आहे. त्यामुळे सर्वसामान्यांची तारांबळ उडते. हल्ली गावापासून शहरांपर्यंत प्रत्येकजण स्वयंपाकघरात एलपीजी गॅस सिलिंडरचा वापर करतो.

स्वयंपाक (Kitchen) करताना पारंपारिक चुलीप्रमाणे जास्त वेळ आणि मेहनत लागत नाही. त्यामुळे लहान गावे आणि शहरांमध्येही याचा वापर मोठ्या प्रमाणात होताना दिसून येत आहे. पण, जिथे त्याच्या मदतीने स्वयंपाक करणे आजच्या काळात खूप सोपे झाले आहे.

दुसरीकडे वाढत्या खर्चामुळे कमी खर्चाचे टेन्शनही वाढले आहे. अनेक घरांमध्ये महिनाभर एक सिलेंडरही नीट चालत नाही. अशा परिस्थितीत, जर तुम्हीही या समस्येने त्रस्त असाल तर आम्ही तुम्हाला काही सोप्या टिप्स (Tips) सांगणार आहोत ज्याच्या मदतीने तुमचा गॅसचा बाटला लवकर रिकामा होणार नाही.

1. गॅसवर ओली भांडी ठेवू नका

अनेक वेळा घाईघाईत लोक स्वयंपाक करताना ओली भांडी (utensils) चुलीवर ठेवतात. आतून सुकलेली असली तरी बाहेरुन काही प्रमाणात ओली असतात. त्यामुळे यात अधिक एनर्जीचा वापर होतो. स्वयंपाक करण्यापूर्वी नेहमी सूती कापडाने भांडी कोरडे केल्याने गॅस वाचवणे सोपे होऊ शकते.

2. अन्नपदार्थ प्रेशर कुकरमध्ये शिजवा

प्रेशर कुकरमध्ये स्वयंपाक करणे खूप सोपे आहे. पण त्यामुळे गॅसचीही बचत होते, हे फार कमी लोकांना माहीत आहे. अशा परिस्थितीत, जर तुमचा स्वयंपाकाचा गॅस लवकर संपत असेल, तर प्रेशर कुकरमध्ये बहुतेक गोष्टी बनवणे तुमच्यासाठी फायदेशीर ठरू शकते.

3. अन्न शिजवताना झाकून शिजवा

झाकून अन्न शिजवणे आरोग्यासाठी फायदेशीर आहे, असे अनेकवेळा तुम्ही लोकांचे म्हणणे ऐकले असेल. कारण असे केल्याने अन्नातील पोषक तत्वे संपत नाहीत. परंतु, असे केल्याने गॅसचीही बचत होते.

4. स्टोव्ह बर्नर स्वच्छ ठेवा

बर्नर स्वच्छ ठेवल्याने स्टोव्हची आग तीक्ष्ण राहते. त्यामुळे भांडी कमी वेळात गरम होतात ज्यामुळे त्याचा गॅसही कमी खर्च होतो. अशावेळी, बर्नर घाणेरड्या असल्यास काहीवेळा तो व्यवस्थित जळत नाही आणि गॅस विनाकारण बाहेर पडत राहतो.

5. गॅस वाचवण्यासाठी स्वयंपाक करताना हे काम करा

तुम्‍हाला एलपीजी लवकर संपू नये असे वाटत असल्‍यास, स्‍मार्ट कुकिंग हॅक्‍स जाणून घेण्याची आवश्‍यकता आहे. यामध्ये स्वयंपाक करण्यापूर्वी सर्व तयारी करून एका वेळी दोन पदार्थ बनवता येतील.