Oil and Shampoo Applying Tips : केसांना आठवड्यातून किती वेळा तेल लावलं पाहिजे आणि शॅम्पू केलं पाहिजे? वाचा सविस्तर

डोक्यावर काळेभोर केस असावेत असं प्रत्येक तरुणीला आणि तरुणाला वाटत असतं. त्यासाठी केसांची योग्य निगा राखणे आवश्यक आहे. केसांची योग्य पद्धतीने निगा न राखल्यास हेअरफॉल वाढतो. केस जास्त गळतात आणि तुटतात देखील. तसेच अती प्रमाणात तेल लावल्याने सुद्धा केसांचं सौंदर्य कमी होतं. त्यामुळे आज आम्ही तुम्हाला केसांना शॅम्पू आठवड्यातून किती वेळा करावे आणि तेल कितीवेळा लावावे याची माहिती सांगणार आहोत.

तेल आणि शॅम्पूची आवश्यकता

केसांची छान वाढ व्हावी आणि त्यांना योग्य ते पोषक तत्व मिळावे यासाठी केसांना वेळोवेळी शॅम्पू केले पाहिजे. त्याने आपल्या केसांना मजबूती येते. केस पांढरे होण्यापासून वाचतात. तसेच केस जास्त गळत नाहीत. तेल आणि शॅम्पू योग्य वेळी केल्याने केसांना फाटे फुटणे, केस ड्राय होणे या अडचणींपासून सुटका मिळते.

तेल किती वेळा लावू नये?

काही तरुणी केस गळणे किंवा अन्य विविध केसांशी संबंधीत समस्या सोडवण्यासाठी काही ना काही करत असतात. बहुतेक तरुणी विविध प्रकारचे तेल केसांवर लावतात. आता तुम्ही सुद्धा असे करत असाल तर हे चुकीचं आहे. कारण तेल लावण्याचे जसे फायदे आहेत तसेच जास्त तेल लावल्याने तुम्हाला त्रास सुद्धा होऊ शकतो. जास्त तेल लावणाऱ्या व्यक्तीच्या केसांत सतत कोंडा होतो.

तेल किती वेळा लावावे?

काही व्यक्ती केसांना सतत तेल अप्लाय करतात. तसे न करता केस जास्त ड्राय असतील तर आठवड्यातून दोनवेळा आणि केस ऑयली टेक्सचरचे असतील तर आठवड्यातून एक वेळा तेल लावले पाहिजे.

रात्री झोपताना तेल लावावे का?

रात्री झोपण्याआधी कधीच केसांना तेल लावू नये. केसांना तेल लावले तर त्याने केसांमध्ये असलेला कोंडा तेल शोषून घेतो. त्यामुळे केसांत जास्त चावणे, चेहऱ्यावर पिंपल्स येणे या समस्या उद्भवतात.

शॅम्पू किती वेळा करावा?

केसांना शॅम्पू करताना ४ तास आधी तेल लावावे. केसांत जास्तवेळ तेल ठेवून शॅम्पू करू नये. शॅम्पू करताना केसांवर फक्त शॅम्पू अप्लाय करावा. यावेळी शॅम्पूने स्कॅल्पला काही हानी पोहचणार नाही याची विशेष काळजी घेतली पाहिजे.